web counter
LEXO PA REKLAMA!

SHKARKO APP

App Store
Google Play

E fundit!

x

Cakaj: S'është faji ynë nëse nuk hapen negociatat

16 Tetor 2019, 20:02, Politikë CNA

Ministri i Jashtëm në detyrë i Shqipërisë Gent Cakaj hoqi përgjegjësitë e Qeverisë shqiptare në rast të dështimit për hapjen e negociatave.

I ftuar në emisionin ?Real Story? në ?News24?, Cakaj tha se qeveria ka përmbushur të gjitha detyrat që kërkon Bashkimi Europian për hapjen e negociatave. Ai u shpreh se vetëm Macron tha se nuk është çështje e dy vendeve, por çështje e brendshme e Bashkimit Europian.

Sipas Cakajt, hapja e negociatave nuk është interes që i takon vetëm qeverisë, por të gjitha palëve.

?Opozita nga parlamenti nuk ka ikur si shkak i presionit të qeverisë, por si rrjedhojë e taktikave të tyre elektorale. Bndestagu ka vendosur dy kushte kryesore: reforma elektorale dhe mbushja e vakancave të Gjykatës Kushtetuese. Kushtet e Bundestagut nuk kanë lidhje me kërkesat e opozitës. Kushtet kanë të bëjnë me platformën që BE ka bërë për Shqipërinë.

Këto janë pako të ardhura për shkak të reformës në drejtësi. Të gjitha çështjet që janë kërkuar dhe që kanë qenë në dorë të qeverisë janë kryer. Reforma zgjedhore kërkon angazhim edhe të opozitës parlamentare dhe jashtë-parlamentare. Në këtë pikëpamje, hapja e negociatave kërkon angazhimin e të gjitha palëve politike.

Edhe në rastin e Shqipërisë dhe Maqedonisë Veriore, përgjegjësitë nuk janë vetëm të qeverisë. Kjo sepse kemi Maqedoninë Veriore e cila ka ndryshuar edhe emrin e sërish nuk po hapen negociatat. Kjo tregon se BE ka probleme të brendshme më së pari. Nëse Presidenti i Francës deklaron se nuk është çështje e dy vendeve, por është çështje e brendshme e BE, ku është përgjegjësia e Qeverive në Tiranë dhe në Shkup? Hapja e negociatave nuk është interes që i takon vetëm qeverisë, por të gjitha palëve.?, deklaroi ai.





Lajmet e fundit nga