web counter
LEXO PA REKLAMA!

SHKARKO APP

App Store
Google Play

E fundit!

x

Negociatat/ Merkel nuk ia mbush mendjen; Macron: Nuk ndryshoj qëndrim!

16 Tetor 2019, 17:30, Politikë CNA

Shqipëria dhe Maqedonia e Veriut janë nën ethet e vendimit zyrtar nëse do t’ju hapen apo jo negociatat.

Vetëm pak orë kanë mbetur nga marrja e vendimit final, ndërkohë që kancelarja gjermane Angela Merkel doli në një konferencë të përbashkët me presidentin francez Emmanuel Macron.

Merkel ka vënë theksin se duhet marrë një vendim unamin për hapjen e negociatave për Shqipërinë dhe Maqedoninë e Veriut.

‘Kemi disa diferenca sa i përket problematikave që janë shfaqur. Ashtu siç e dini duhet një vendim unanim për çeljen e negociatave‘-tha Merkel.

Nga ana tjetër, Macron i ka qëndruar besnik deklaratave të tij të mëparshme duke thënë se duhet reformim i procedurave të pranimit të shteteve në BE.

‘Do ti përmbahemi deklaratave tona politike sa i përket çështjeve kaq të rëndësishme. Evropa është një shtëpi e bukur dhe e madhe e jona. Njëri prej pjesëtarëve vendosi të largohej. Në këto lloj rastesh dritat e bukura që ka shtëpia mund të duken të bukura nga larg.

E përshëndes kurajon dhe reformat që ka ndërmarrë Shqipëria dhe Maqedonia e Veriut. Do flisja për një sinjal pozitiv, por Ballkani është tejet strategjik për Evropën. Duhet ta reformojmë procedurën. Unë po e shpall vizionin tim gjeopolitik para kancelares‘-tha Macron.





Lajmet e fundit nga