E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Skenari i Ilir Metës/ Si do ta bllokojë Gjykatën Kushtetuese me Besnik Muçin

16 Tetor 2019, 15:17, Politikë CNA

Presidenti Ilir Meta sot njoftoi se kishte zgjedhur një nga anëtarët e Gjykatës Kushtetuese, dhe emri i tij ishte Besnik Muçi.

Në fakt u duk si një lëvizje parimore e presidentit pas propozimeve të emrave të çuar nga KED apo edhe ato që do të çohen nga Kuvendi. Por, në të vërtetë Ilir Meta është një skenarist për filmat e Holliwood-it në politikë. Ai zgjodhi Besnik Muçin jo pa qëllim.

CNA.al raportoi më parë se zgjedhja e Besnik Muçit ishte e nxituar jo për shkak se ai nuk i plotësonte kriteret por për faktin e vetëm se nuk kishte kaluar vettingun. Do t?i duhej presidentit të priste edhe pak kohë ose të kosultohej më tej pasi Besnik Muçi i është anikumua procesi i vettingut dhe ndodhte në KPA.

Sot filluan problemet, filluan të dalin informacione, është kërkuar deklasifikimi i disa dokumentave, blerja e makinës, blerja e një shtëpie e kështu me radhë, ç?ka mund të çojë në rrëzimin e Besnik Muçit, prandaj dhe pikërisht Ilir Meta e zgjodhi atë.

E zgjodhi Besnik Muçin që të rrëzohet, që të rrëzohet shumë shpejt nga KPA dhe nga vettingu dhe në Gjykatën Kushtetuese të mos kemi sërish askënd por vetëm një person dhe ai pastaj do të presë emrat e tjerë që do të shkojnë nga Kuvendi, ku mesa duket do të përzgjedhe një tjetër emër, por sërish në Gjykatë do të kemi një apo dy persona dhe nuk do të plotësohet numri minimal i nevojshëm i kërkuar nga Bashkimi Europian për të hedhur më tej hapat e integrimit apo i vendosur si kusht nga Gjermania.

Prandaj, Ilir Meta nuk e ka zgjedhur thjesht dhe vetëm Besnik Muçin, se plotësonte kriteret apo mund te ishte një njeri i duhur në gjykatën Kushtetuese. Zgjedhja e tij është bërë me një qëllim të caktuar nga presidenti. Në rast se ai bie nga vettingu, Ilir Meta bllokon edhe më tej ngritjen e Gjykatës Kushtetuese për t?ja faturuar gjithë krizën dhe gjithë prolematikën qeverisë së Ramës./CNA.al