E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Qindra milionë lekë të hedhura në kosh të plehrave/ Vjedhje dhe abuzime me tenderat në ISHP?

15 Tetor 2019, 12:15, Politikë CNA

Në fillim të sezonit veror, emisioni ?Stop? transmetoi problemin e mungesës së dezinfektimit nga insektet në zonat bregdetare. Aso kohe, ISHP nisi procedurat për dezinsektimin e zonave bregdetare nga mushkonjat.

Kështu në datën 2 mars 2019 Instituti i Shëndetit Publik ka shpallur një tender me fond limit total 133,319,249 milionë lekë, me objekt: ?Shërbimi i dezinsektimit në zonat bregdetare dhe urbane?.

Tenderi ishte për spërkatjen kundër mushkonjave për zonat Shkodër, Lezhë, Tiranë, Durrës, Fier dhe Vlorë, i ndarë në 4 lote.

Por, përtej këtyre më pas ka pasur edhe një task forcë të drejtuar nga ministrja e Drejtësisë Etilda Gjonaj, ku pas një kontrolli të ushtruar në 2 maj 2019, rekomandoi tetë masa disiplinore.

?Strukturat Antikorrupsion kanë verifikuar në Institutin e Shëndetit Publik, Tiranë, zbatimin e ligjshmërisë së procedurave të ndjekura gjatë procesit të prokurimit të një shërbimi shumë të rëndësishëm siç është ?Shërbimi i dezinsektimit në zonat bregdetare dhe urbane?, për zonat Shkodër, Lezhë, Tiranë, Durrës, Fier dhe Vlorë. Në përfundim të kontrollit u konstatuan disa shkelje të Ligjit për Prokurimin Publik, veçanërisht të rënda në kuadër të procesit të vlerësimit të ofertave sikundër dhe në fazën e shqyrtimit të ankesave, duke evidentuar se nuk janë përdorur të njëjtat kritere për vlerësimin e ofertuesve?, ? tha ndër të tjera Gjonaj, në atë kohë.

Por, pavarësisht rekomandimeve të ministres Gjonaj, drejtoresha e ISHP-së, nuk ka marrë asnjë masë për asnjë prej punonjësve dhe vijon normalisht puna.

Ndërkohë në lidhje me tenderin prej rreth 1.3 miliardë lekësh, pas disa procedurash, më anullime, përplasje dhe skualifikime, në korrik filloi dezinfektimi për dy lote.

Në fund të korrikut, fillimi i gushtit, është bërë dezinfektimi i Durrësit dhe Divjakës.

Pavarësisht se ishte planifikuar që të bëhej në fillim të pranverës, spërkatja u bë në mes të sezonit turistik. Dhe për më tepër, spërkatja u bë vetëm për dy lote, dhe mbeten pa dezinfektuar Vlora dhe Velipoja. Pra, dy zona bregdetare mjaft të frekuentuara nga turistët u lanë pa spërkatur.

Ndërkohë, CNA.al sjell sot një tjetër detaj. Përtej faktit se ajo çfarë ka ndodhur është skandaloze, në fakt është edhe qesharake, pasi mësohet se spërkatja për këto dy zona është planifikuar të bëhet në fund të vjeshtës, fillimi i dimrit.

Pra, bëhet spërkatje kundër mushkonjave në dimër, duke çuar në kosh të plahrave miliona lekë, pasi i gjithë procesi duket i dështuar.

Spërkatja duhet të bëhet në pranverë, në kohën që mushkonjat janë larva, ndërsa në dimër apo edhe në mes të sezonit veror që është bërë nga kompania që ka marrë tenderin nga ISHP, duket thjeshtë një dështim.

E gjithë kjo situatë të çon në dyshime të forta se bëhet fjalë për një vjedhje skandaloze e padëgjuar më parë ose është një tallje. Mirë që spërkatja nuk u bë në kohën që ishte planifikuar, që është një turp për të cilin duhet mbajtur përgjegjësi ligjore, por ISHP tani me prcedurat kthe, anullo të tenderit, vendos që për dy lotet e mbetura spërkatja të bëhet në dimër. Që do të thotë se janë para të hedhura në kosh të plehrave.

Megjithëse ka pasur dhjetëra denoncime, drejtoresha e ISHP-së, Albana Fico qëndron fort dhe vijon punën e saj.

Në vijim CNA.al do të sjellë të tjera detaje se kush është drejtoresha e ISHP-së, dhe pse vijon të mbrohet./ CNA.al