E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Takimi Rama, Vuçiç dhe Zaev/ Kryemadhi ngre shqetësimin: Opinioni publik në errësirë të plotë

16 Tetor 2019, 13:19, Politikë CNA

Kryetarja e LSI, Monika Kryemadhi ka takuar sot Ministrin për Investime Vendase dhe Përmirësimin e Klimës së Investimeve të Maqedonisë së Veriut, Hisen Xhemailin.

Kryemadhi bën me dije se duke marrë shkas i dy kryeministrave dhe një Presidenti në Novi-Sad, i shprehu shqetësimin për komunikimin e mbyllur dhe jo transparent të këtij takimi.

?Gjatë takimit u ndalëm në faktin, se LSI ka promovuar prej kohësh integrimin mes vendeve të rajonit, lëvizjen e lirë të njerëzve dhe kapitaleve.
Duke marrë shkas nga takimi i dy kryeministrave dhe një Presidenti në Novi-Sad, i shpreha shqetësimin për një qasje të pjesshme dhe jo gjithëpërfshirëse të gjitha vendeve të rajonit, edhe për komunikimin e mbyllur dhe jo transparent të këtij takimi. Opinioni publik vazhdon të jetë shumë i paqartë dhe në errësirë të plotë për natyrën e këtij takimi dhe qëllimet e vërteta të tij?, shkruan Kryemadhi.

Postimi i plotë:

Ditën e sotme u takova me z. Hisen Xhemailin, Ministër për Investime Vendase dhe Përmirësimin e Klimës së Investimeve të Maqedonisë së Veriut. Duke i uruar mirëseardhjen ministrit, vlerësova rëndësinë e shkëmbimit të eksperiencës mes dy vendeve.

Gjithashtu ndava shqetësimin për treguesit shumë të ulët të Shqipërisë në tërheqjen e investimeve të huaja dhe mundësitë e të bërit biznes. Shqipëria duhet të marrë shembull nga Maqedonia e Veriut, si vendi i 11 në renditjen botërore për klimën e të bërit biznes.

Vlejnë për t’u përmendur nismat ekonomike të Maqedonisë së Veriut, me krijimin e zonave të lira ekonomike në Shkup dhe Tetovë , si modele suksesi të jashtëzakonshëm në thithjen e investimeve të huaja dhe krijimin e punësimit në vend.

Gjatë takimit u ndalëm në faktin, se LSI ka promovuar prej kohësh integrimin mes vendeve të rajonit, lëvizjen e lirë të njerëzve dhe kapitaleve.
Duke marrë shkas nga takimi i dy kryeministrave dhe një Presidenti në Novi-Sad, i shpreha shqetësimin për një qasje të pjesshme dhe jo gjithëpërfshirëse të gjitha vendeve të rajonit, edhe për komunikimin e mbyllur dhe jo transparent të këtij takimi. Opinioni publik vazhdon të jetë shumë i paqartë dhe në errësirë të plotë për natyrën e këtij takimi dhe qëllimet e vërteta të tij.

Modeli ekonomik i Maqedonisë së Veriut paraqet interes të veçantë për opozitën shqiptare përsa i takon programit të saj për ringritjen ekonomike të Shqipërisë në krizë. Vlerësova në veçanti skemën e tyre tepër të suksesshme të subvecionimit në bujqësi, pasi ajo e vlerëson sektorin bujqësor jetik për zhvillimin ekonomik të Shqipërisë./CNA.al