web counter
LEXO PA REKLAMA!

SHKARKO APP

App Store
Google Play

Fermerët në krizë/ Çuçi mendjen tek krapi!

16 Tetor 2019, 15:06, Politikë CNA

Ndërkohë që fermerët e Korçës dhe të zonave të tjera, po protestojnë çdo ditë për mungesën e tregjeve dhe të subvencioneve nga Ministria e Bujqësisë, ministri Bledi Çuçi duket se e ka mendjen tek krapi.

Sot, Çuçi, ka dalë sërish në setin e rradhës fotografik, duke hedhur në liqen peshq të rinj.

Prespa ishte liqeni i radhës i cili përfshihet në projektin e shtimit të faunës ujore. 300 mijë rasate të krapit u hodhën sot në këtë liqen në kuadër të nismës së Ministrisë së Bujqësisë së dhe Zhvillimit Rural për pasurimin e liqeneve.

Por a është kjo zgjidhja e problemeve të bujqësisë dhe të peshkimit?

Fermerët e Korçës po flakin në rrugë qepët dhe mollët e tyre, në Lushje qumështi derdhet rrugëve, ndërsa në Kukës po kalben patatet. Ata shprehen se janë në një krizë të theksuar ekonomike, pasi prodhimet e tyre nuk shiten në vend, pasi s’ka tregje dhe dyndja e prodhimeve të importuara nuk i lë vend mallit vendas.

Kjo situatë e vështirë për fermerët e vendit, nuk ka marrë akoma asnjë përgjigje nga ana e Çuçit, i cili mendjen e ka tek krapi./CNA.al





Lajmet e fundit nga