web counter
LEXO PA REKLAMA!

SHKARKO APP

App Store
Google Play

E fundit!

x

Conte: Le t’i themi “Po” negociatave për Shqipërinë

16 Tetor 2019, 15:00, Politikë CNA

Kryeministri italian, Giuseppe Conte ka përsëritur se Italia vijon të mbështesë hapjen e negociatave për pranimin në BE të Shqipërisë dhe Maqedonisë së Veriut.

Gjatë konferencës në Senatin në funksion të Këshillit Evropian, Conte theksoi se është kundër ndarjes së dy vendeve pasi sipas tij, ky do të ishte një sinjal negativ për të gjithë rajonin e Ballkanit Perëndimor.

“Do të ishte dritëshkurtër, nga pala evropiane, të vendosim për një shtyrje të mëtejshme të hapjes së negociatave, pas shtyrjes nga Këshilli Evropian në qershorin e kaluar. Në këtë fazë në çdo rast sigurisht që nuk i zvogëlon detyrat e Shqipërisë dhe Maqedonisë të vendosura nga Bashkimi Evropian ?, tha ai.

Kreu i qeverisë italiane shtoi se është thelbësore të kuptohet që një refuzim pa dhënë mundësi as për të kryer detyrat e shtëpisë do t’i largonte dy vendet nga horizonti Evropian.

“Nuk është për tu shpresuar, veçanërisht duke marrë parasysh që zgjerimi është një proces që lejon Shtetet Anëtare të bëjnë kontrolle shumë më të efektshme pasi të kenë filluar negociatat e pranimit sesa një përjashtim që do të ftohte Tiranën dhe Shkupin në dinamikën e paqëndrueshmërisë politike , me pasoja edhe në nivelin rajonal ? nënvizoi Conte./CNA.al





Lajmet e fundit nga