web counter
LEXO PA REKLAMA!

SHKARKO APP

App Store
Google Play

E fundit!

x

Administrata në 'havà', 44 tendera për bileta avioni brenda 16 ditëve

16 Tetor 2019, 18:44, Politikë CNA

Shpërdorimet e fondeve publike nga administrata, mbetet një gangrenë e ekonomisë së vendit, ku vetëm në pak ditë janë zhvilluar 44 tendera për bileta avionësh.

Ajo që bie në sy, është fakti se nuk preferohet klasi ekonomik, por kërkohet që të ketë linja direkte ku madje punonjësit kërkojnë t?u lejohet bagazhi mbi 20 kg, duke e rënduar më shumë faturën totale. Vetëm gjatë muajit tetor, administrata shqiptare ka zhvilluar dhjetra udhëtime jashtë vendit.

Të dhënat e publikuara nga Agjensia e Prokurimeve Publike tregojnë se në 16 ditë janë zhvilluar 44 tendera për blerje bilete. Sipas Oranews, Kuvendi është institucioni që ka pasur më shumë garë të hapura blerje biletash me 11 të tilla, e ndjekur nga Ministria e Financave, Ministria e Brendshme dhe Ministria e Jashtme me 6 secila.

Vendet evropiane janë destinacionet që janë drejtuar punonjësit e adminsitratës, duke nisur nga Belgjika, Franca, Britania apo Spanja. Tjetër abuzim flagrant është fakti se në garë nuk është përcaktuar vlera limit.

Madje në mjaft prej kërkesave kërkohet që fluturimet të jenë direkt dhe jo tranzit, çka e bën biletën edhe më të shtrenjë. Kujtojmë që para pak ditësh, ministrja e Drejtësisë Gjonaj u akuzua për shpërdorim fondesh, ku kishte rezervuar një dhomë hoteli plot 700 euro nata, ndërsa edhe për nënkryetarin e Bashkisë po ashtu u ngritën pretendimet për udhëtime luksi.





Lajmet e fundit nga