web counter
LEXO PA REKLAMA!

SHKARKO APP

App Store
Google Play

Kryemadhi: BE po luan me ne, kësaj here futi Francën për 'Jo-në'

16 Tetor 2019, 19:45, Politikë CNA

Kryetarja e Lëvizjes Socialiste për Integrim, Monika Kryemadhi ka komentuar qëndrimin negativ të Francës kundër hapjes së negociatave për Shqipërinë.

E ftuar në në emisionin ?Aktualitet? në ?Fax News?, Kryemadhi tha se qëndrimi i Francës, është qëndrimi i BE-së.

Ajo e quajti një lojë të BE-së, pasi kësaj here përdori Francën për të thënë jo me problemin e azilkërkuesve.

“Nuk mendoj që është një skepticizëm vetëm i Francës, është një lojë politike që Brukseli e bën gjithmonë. Kanë skepticizëm nga të gjitha vendet e tjera, por një vend i caktuar, i cili ka një lloj problematike të caktuar siç është çështja e azilkërkuesve në Francë, ia kanë lënë Francës këtë herë për ta shprehur.

Kujtojmë që radhës që kaloi ishte Holanda ajo që e shprehu. Mendoj që është qëndrim i gjithë BE ndaj Shqipërisë dhe nuk mendoj që është qëndrim ndaj popullit shqiptar, më shumë sesa një qëndrim ndaj politikës shqiptare. Sepse politika është ajo e cila ka krijuar kushtet në të cilat ne gjendemi, ka krijuar këtë lloj mungese të funksionimit të shtetit, mungese të besueshmërisë ndaj funksionimit të institucioneve të shtetit, të cilat janë bazat e një shteti.?-deklaroi Kryemadhi.





Lajmet e fundit nga