Basha bën gafën e radhës/ Kryetari i Republikës së re përfshihet sërish në skandal

19 Shtator 2019, 12:49, Aktualitet CNA

Dje, Lulzim Basha në një takim të sindikalistëve, vend ku në fakt duhet të merrnin pjesë partitë e majta dhe socialistët apo komunistët, shkoi dhe hodhi shashkën e tij të radhës, e cila në fakt nuk është gjë tjetër, veçse thjeshtë dhe vetëm një gënjeshtër dhe tregon sa i paditur dhe sa i paaftë është kryetari i Republikës së re.

Ai tha se me ardhjen në pushtet të PD-së, që në 6 mujorin e parë, paga minimale do të shkonte në 300 euro.

Por, le të shohim të dhënat zyrtare të INSTAT, që nga koha e qeverisjes së Partisë Demokratike, dhe deri më sot në lidhje me pagat.

Edi Rama nuk është se ka bërë ndonjë politikë në lidhje me rritjen e pagave në këto gjashtë vite. Për më tepër nuk ka bërë as indeksim të normës së inflacionit.

Nga ana tjetër, qeveria e PD-së nga viti 2005 deri në vitin 2013, i dyfishoi pagat e mësuesve, apo edhe të sistemit shëndetësor.

Tani le të shohim ata që janë të punësuarit, më pak të paguar në administratën shtetërore apo në atë private. Pastruesit.

Një pastruese në sistemin arsimor merr 38 mijë lekë të reja. Pra 380 mijë lekë të vjetra, diçka më shumë se 300 euro. Në sistemin shëndetësor, një pastruese fillon nga minimumi 350 mijë lekë të vjetra, pra 35 mijë lekë të reja, dhe shkon deri në 480 mijë, pra rreth 400 euro.

Pra, të dyja këto premtime të Lulit në lidhje me pagat bien poshtë.

Duken si një politikë populiste. Duken si një premtim bosh, por Lulzim Basha ka bërë një gafë të radhës.

Këto paga nuk është se janë bërë shumë nga qeveria Rama, por sot zyrtarisht janë të tilla. Në çdo nivel të shtetit.

I vetmi sektor, ku duket se pagat nuk janë në nivelin 300 euro janë fasoneria, e vetmja strukturë për të cilën Basha duket se ka premtuar me qëndrimin e tij rritjen e pagave minimale në 300 euro.

Në fakt edhe në këtë rast ?dardha e ka bishtin mbrapa?, sepse më shumë sesa një qëndrim i qeverisë dhe një politikë e djathtë, qëndrimi i Lulzim Bashës dhe reagimi i tij duket të jetë një politikë totalisht e majtë dhe antibiznes./ CNA.al

Basha akuza tÃ« forta qeverisÃ«/ Do rrisim pagÃ«n minimale nÃ« 400 euro