web counter
LEXO PA REKLAMA!

SHKARKO APP

App Store
Google Play

E fundit!

x

Nikoll Lesi dhe Ilir Meta në krah të Erion Veliajt, kundër PD

17 Shtator 2019, 09:16, Aktualitet CNA

Nikoll Lesi, gazetari me një eksperiencë të madhe, i hedhur në shumë ?qypa politike? dhe shpesh vasal i pagatorit më të parë, sot është parë sërish në lojën e tij pro presidentit Ilir Meta dhe në një intrigë të thurur për t?ju hedhur një helm shqiptarëve, se ky i fundit po mbështetet nga Veliaj, Basha e gjithë të tjerët.

Pra, ai dhe mediat e tij të vëna në dispozicion prej shumë kohësh, duan të na thonë se Ilir Meta është shpëtimi për shqiptarët dhe se ai admirohet nga shumë politikanë dhe qytetarë.

Në fakt, i vetmi që i ka ngelur Ilir Metës është Nikolla dhe disa media periferike, sepse askush më nuk do jo vetëm ta shohë me sy, por duan ta shohin pas prangave. Mjafton të shikojmë të gjitha sondazhet që zhvillohen në mediat sociale dhe qëndrimet që mbajnë njerëzit me komentet e tyre.

Por, Nikolla ka një tjetër hall. Ashtu siç të gjithë e njohin, halli i tij nuk është Ilir Meta, por xhepi i tij, që mesa duket Ilir Meta këto kohë e zgjidh më mirë se kushdo tjetër.

Nëpërmjet një opinion, ai rreket të na thotë se Veliaj e ka mbështetur Ilir Metën dje në Pezë e shpesh flitet për intriga, se ka një bashkëpunim mes Metës e Lali Erit.

Por, në fakt e vërteta është krejt e kundërta. Jo për të bërë avokatinë e Veliajt, por fakti është se është Ilir Meta ai që ëndërron për një aleancë me Erion Veliajn për të rrëzuar Edi Ramën dhe duke parë ambiciet e kryebashkiakut të Tiranës, i cili nuk është ndalur asnjë ditë në betejën e tij për t?u bërë trashëgimtar i ?fronit? të kreut të PS-së.

Këtë e ushqen së tepërmi Meta dhe mediat rreth tij, duke dashur që në një moment të caktuar ta kenë aleat për të rrëzuar Ramën dhe për të marrë pushtetin, apo për të hequr Ramën dhe për t?i dhënë pushtetin Veliajt.

Por, çfarë do të ishte kjo në fakt?

Kjo do të ishte një katastrofë për demokratët, për Partinë Demokratike. Mjafton të lexosh komentin e Nikoll Lesit për të kuptuar sesi qëndron e vërteta, i cili në shumë rreshta, pas sulmon kryeministrin në të drejtën e tij, bën avokatinë dhe shtron lëvdata pa fund ndaj Erion Veliajt.

“Megjithatë Erion Veliaj zhvilloi një super aktivitet në Pezë, bile e kishte filluar që një ditë më parë. Për të qenë realist Erion Veliaj është kryebashkiaku i duhur për Tiranën, ndonëse fitoi me një palë votime partiake me 30 qershor, por prapë mendimin e kam të palëkundur se edhe përballë një kandidati të PD-së, përsëri Veliaj do të mund të fitonte.”-shkruan ndër të tjera Nikoll Lesi. Por, pse?

Pse i duhet Nikollës kjo? Pse i duhet Ilir Metës? Ndoshta edhe Lulzim Bashës?!

Erion Veliaj ka në dorë lejet e zhvillimit të kryeqytetit. Ka në dorë lejet pallateve, ku shumë shpejt mund të përfitosh. Ilir Meta ka interesa. Biznesmenët e tij kanë ndërtesa. Bulevardi i ri do të ndërtohet. Jo më kot u shfaq në emisionin e parë ?Real Story? të Sokol Ballës, Erion Veliaj, në Neës 24. Jo më kot, Nikoll Lesi përpiqet t?i thurë lavde. Jo më kot Ilir Meta nuk e sulmon kurrë kryetarin e Bashkisë së Tiranës, por përkundrazi e quan atë si të ardhmen e partisë Socialiste, ashtu si edhe Monika Kryemadhi, përtej ndonjë akuze politike, gjoja për të treguar se ndodhen në skanione të ndryshme.

Në fakt Erion Veliaj, përtej intrigës që kërkon të na tregojë Nikolla apo Meta, nuk është asgjë tjetër. Është ish-kreu i Mjaft, një nga ata ?këlyshët? e vegjël të Rilindjes, dhe asgjë më shumë sesa kaq.

Është po aq i korruptuar, po aq PPP dhe po aq përgjegjës për keqqeverisjen e Shqipërisë, qoftë dy vjet, por edhe në katër vite kryebashkiak i Tiranës. Është i akuzuar që nga vrasja e Ardit Gjoklajt, të paktën për ?vrasjen? e dytë të tij e deri në dhjetëra tendera e afera të tjera që zhvillohen në Bashkinë e Tiranës, ku përfshihet Sheshi Skëndërbej, teatri Kombëtar, e ndërtimet e kullave pa fund në kryeqytet.

Prandaj, loja e Veliajt është më vrastare se çdo gjë tjetër. Është më vrastare për demokratët.

Por, Ilir Metës nuk i intereson shumë. As Nikollës dhe as atyre që janë në krah të Bashës. Kanë interesa të tjera, leje pallatesh. Me Lali Erin e kanë mirë. Nuk iu prish asnjë punë, le të qëndrojë atje. Ajo që bëjnë mediat, është një intrigë, e cila në fakt pasojat i ka tek demokratët.

Një lojë e pisët me Veliajn që nesër mund të sillte mjaft pasoja në rast se Rama do të largohej apo do të bënte ciklin e tij, Veliaj do të merrte menjëherë drejtimin e socialistëve dhe pushtetin e tyre.

Ç?ka tregon se nuk do të iknin socialistët nga pushteti dhe PD bashkë me aleatët e saj do të ktheheshin në qeveri dhe mentaliteti i qeverisjes së vendit do të ndryshonte. Jo, në asnjë mënyrë. Do të ikte Edi Rama dhe në krye të qeverisë do të vinte Erion Veliaj, i cili nga pas do të kishte Ilir Metën dhe shpurën e tij të hajdutëve. Dhe ky është halli që ka në të vërtetë Nikolla.

Ai do që shpura e hajdutëve të Ilir Metës, bashkë me këtë të fundit, dhe Nikolla brenda në thes, të shkojnë drejt socialistëve, të shkojnë drejt karrigeve, të shkojnë drejt pushtetit. Nuk ka rëndësi me kë.

Edi Rama nuk i do dhe po i mban larg. Prandaj kanë gjetur si zgjidhje Erion Veliajn.

Pra, Nikolla, Meta, LSI-ja dhe gjithçka ndodh në oborrin e PD-së ende nuk është vonë, për ti larguar një herë e mirë, për të dalë me një vision dhe me një qasje të re politike. Për sa kohë do të vazhdojë PD-ja të presë nga tepsia e Monikës, ka për të marrë Ilirin, Nikollën dhe kusuret e Lali Erit./ CNA.al

Nga Nikoll Lesi/ Pse Erion Veliaj paradite në Pezë e lavdëroi, kurse në darkë e sulmoi Ilir Metën?





Lajmet e fundit nga