E fundit!

13:34 Aktualitet

Krimi në Maliq, Lamallari dhe Hita nisen drejt Korçës/ Ministri tregon gjendjen e efektivit të plagosur

Ministri i Brendshëm, Besfort Lamallari ka vizituar efekti...

Zbulohet përmbajtja e dokumentit sekret/ Ja kush do të digjte Kuvendin

18 Shtator 2019, 13:49, Aktualitet CNA

Presidenti Ilir Meta gjatë raportimit një javë më parë në Komisionin Hetimor parlamentar deklaroi, ndërsa sqaronte vendimin e tij për të shfuqizuar 30 qershorin si datën për zhvillimin e zgjedhjeve vendore, tha se kishte informacione sekrete se në 8 qershor do të shfrytëzohej protesta e opozitës, dhe do t?i vihej flaka Kuvendit.

Ndërkohë sot, Meta ka vënë në dispozicion të Komisionit Hetimor edhe dokumentin sekret të SHISH.

Nga ana tjetër, gazetari i Top Channel, Muhamed Veliu, ka zbuluar disa detaje në lidhje me përmbajtjen e këtij dokumenti.

Sipas tij, bëhet fjalë për një informacion të përmbledhur në pak rreshta nga ku SHISH informon, se agjentët e infiltruar brënda strukturave organizative të protestave të opozitës, kanë mundur të sigurojnë informacionin se në protestën e 8 Qershorit, do të përfshihej një grup paramilitar i ardhur nga Kosova apo trevat e tjera etnike shqiptare. Ky grup në përbërje të tij kishte njerëz me formim ushtarak, me misionin final, djegien e Kuvendit të Shqipërisë.

Dokumenti sekret nuk jep të dhëna se kush ishin këta persona, kush i kishte paguar apo financuar mbi të gjitha nëse ishin të armatosur dhe me çfarë mjetesh do të mund të çanin rrethimin policor të Kuvendit.

Dokumenti thuhet se nuk i jep përgjigjie pyetjeve të tilla. Ndërkohë që në një skenar të ngjashëm 21 vite më parë, më 14 shtator të vitit 1998, u fol se persona të armatosur të krahut të FARK kishin marrë pjesë në sulmin kundër institucioneve dhe marrjes me dhunë të Kryeministrisë.

Një detaj i tillë në atë kohë, u paralajmërua edhe nga CNA.al, por, në finale asgjë nuk ndodhi pasi edhe pse gjithçka mund të ishte dëshirë e Lulit ngeli vetem e tille sepse ka edhe faktorë të tjerë përtej Bashës.

Ky informacion dhe rrjedha që kishin marrë protestat e opozitës, detyroi ish-zëvendësndihmës Sekretarin Amerikan të Shtetit, Mathew Palmer, të deklaronte në një intervistë të paprecedentë për Top Channel se nëse do të kishte dhunë në protestën e asaj dite të opozitës përgjgjës direkt do të ishin Lulzim Basha dhe Monika Kryemadhi.

Përmbajtja e dokumentit sekret do të analizohet nga Komisioni Hetimor Parlamentar dhe në raportin final që do t?i dergohet Kuvendit, do të marrë përgjigje pyetja, nëse Meta shkeli apo jo Kushtetutën.