E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Zgjedhje më 13 Tetor/ Basha pritet të rikuperojë humbjet

8 Gusht 2019, 10:25, Politikë CNA

Pas çdekretimi të 30 Qershorit, Presidenti Ilir Meta, me 27 Qershor 2019, dekretoi një datë të re për zgjedhjet vendore, 13 Tetorin.

Pavarësisht kësaj, me 30 Qershor, zgjedhjet u zhvilluan dhe tashmë thuajse ka përfunduar betimi i kryebashkiakëve të rinj dhe konstituimi i këshillave bashkiakë.

Aktualisht, situata është e tillë. Kryeministri Edi Rama thotë se janë zgjedhjet janë zhvilluar, Presidenti Ilir Meta, vijon të apelojë Opozitën për të marrë pjesë në zgjedhjet 13 Tetorit, ndërkohë që vetëm tre parti opozitare janë regjistruar në KQZ.

LSI, partia që ka drejtuar më herët Meta, Partia Agrare Ambjentaliste e drejtuar nga Agron Duka dhe Partia Republikane e drejtuar nga Fatmir Mediu, janë regjistruar për zgjedhjet e 13 Tetorit.

PD nuk është regjistruar, por një gjë është e sigurtë se zgjedhje do të ketë.

Në këtë mënyrë edhe Lulzim Bashës, i jepet një tjetër shans.

Kjo për arsye se dekreti i Metës mund të qëndrojë, sepse në bazë të ligjit, jo më vonë se tre muaj nga konstituimi i Këshillave bashkiakë, bëhen zgjedhje për kryepleq të fshatrave të cilët zgjidhen një herë në katër vjet.

Prandaj Luli ka një shans të fundit, dhe mund të hyjë në zgjedhje për kryepleqtë.

Nenit 70, i Ligjit me Nr. 139/2015 për Vetëqeverisjen vendore, është shansi i fundit i Lulit dhe zbatimi i dekretit të Metës.

Sipas këtij neni zgjedhje bëhen edhe për kryesinë e fshatit, pas zgjedhjeve për këshillat bashkiak.

Këshillat bashkikë janë zgjedhur dhe konstituuar, ndaj kanë mbetur vetëm kryepleqtë.

Pra, zgjedhje ka, edhe Luli merr ndonjë gjë se ka mbetur bosh, edhe Meta kënaqet dhe nuk lodhet më rrjeteve sociale, por shijon pushimet.

“Zgjedhjet e kryesisë së fshatit bëhen një herë në katër vjet, pas zgjedhjeve për këshillin bashkiak dhe jo më vonë se tre muaj pas këtyre zgjedhjeve. Në rast mosrespektimi të këtij afati, deri në zgjedhjen e kryesisë së fshatit, kryetari i bashkisë emëron përkohësisht kryetarin e fshatit”, thuhet në pikën 4 të nenit 70 të Ligjit me Nr. 139/2015 për Vetëqeverisjen vendore.

Në këtë mënyrë të gjitha palët mbeten të kënaqura. Edhe dekreti i Presidentit Meta zbatohet, edhe Lulzimi hyn në zgjedhje kryepleqtë, dhe të gjithë jetojnë të lumtur me qetësi dhe dashuri. Luli shpall fitoren e rradhes dhe e mbyt me kryepleq.

Luli pretendon te kapi 85% te votave per kryepleq dhe si perparimtar qe eshte, gjysmat do jene kryeplaka./CNA.al