E fundit!

18:59 Politikë

LISTA/ Ja kush janë anëtarët e diasporës në Këshillin Kombëtar të PD-së

Ka nisur mbledhja e Këshillit Kombëtar të Partisë Demokrat...

Zgjedhjet e 13 Tetorit/ Boçi tregon pse nuk u regjistrua

7 Gusht 2019, 13:27, Politikë CNA

Në një kohë që vijojnë konstiuuimet këshillave bashkiake të dalë nga zgjedhjet e 30 Qershorit, i ftuar në studion e FaxNews ish-deputeti demokrat Luçiano Boçi ka komentuar zhvillimet më të fundit politike.

Sipas Boçit, të gjithë kryebashkiakët që kanë marrë detyrën janë ilegjitimë, për shkak se zgjedhjet u mbajtën pa një dekret nga ana e presidentit të vendit.

?Procesi i 30 Qershorit është nul, dhe ka një atashim qytetar ndaj këtij procesi betimes që po ndodh tani. Edhe raportet e OSBE-së e kanë theksuar se qytetarët nuk kanë pasur të drejtë që të zgjedhin, pasi PS ka garuar e vetme kudo në Shqipëri.

Situata është afër absurdit, por edhe afër instalimit të një junte policore në të gjithë vendin, e shtrirë tashmë dhe në pushtetin lokal.

Të thuash që PD po humbet pushtet se nuk ka garuar në zgjedhjet lokale, unë mendoj se nuk vlen, pasi tashmë është koha që të flasim për përgjegjësi në qeverisjen e vendit. Shqiptarët janë ai komb që përgjatë gjithë ekzistencës së tyre lirinë e kanë pasur shumë të nevojshme dhe kanë luftuar për ta ruajtur atë.

Ka një zemërim shumë të madh qytetar, dhe protestat sigurisht që do të vijojnë. Kushtet tona janë të qarta që ne kërkojmë qeveri tranzitore?, u shpreh Boçi.

Referuar mosregjistrimit në zgjedhjet e 13 Tetorit, Boçi shprehet se PD nuk është regjistruar derimë tani për shkak të kushteve që vendosura më herët. Sipas ish-deputetit zgjedhje do të ketë vetëm me largimin e kryeministrit Rama dhe krijimin e qeverisë tranzitore.

A do të merrni pjesë në zgjedhjet e 13 Tetorit?

Boçi: Ne kemi shprehur qëndrimet tona si opozitë, dhe në rakordim me aleatët kemi vepruar kundrejt zgjedhjeve të 13 Tetorit, ndërsa PD me një lëvizje politike vijon që të mbajë lart kauzën e saj për largimin e Edi Ramës. Ne e njohim anën kushtetuese të vlefshmërisë së dekretit të presidentit, por kërkojmë që të zbatohen kushtet e tjera. Ne nuk e kemi mbyllur derën e zgjedhjeve të 13 Tetorit, por para kësaj kërkojmë dorëheqjen e kryeministrit, dhe qeverinë tranzitore.

A ka një përçarje mes PD-së dhe LSI-së?

Boçi: Nismat e aleatëve janë të rakorduara me qëndrimet e tyre, ne nuk mund të lëmë në gjysmë kauzën tonë, që e kemi nisur prej kohësh. Në këtë rast dikush do të vijojë të luftojë për kauzën e presidentit, dhe një pjesë tjetër që është dhe qëllimi i përbashkët është respektimi i kushtetutës, mes tyre dhe dekreti i presidentit për zgjedhjet./CNA.al