web counter
LEXO PA REKLAMA!

SHKARKO APP

App Store
Google Play

“Baba Xhikes i ka mbetur vetëm vula”/ Spiropali tallet keq me Metën

7 Gusht 2019, 10:14, Politikë CNA

Ministrja e Shtetit për Marrëdhëniet me Parlamentin, Elisa Spiropali, ka reagaur menjëherë pasi presidenti Ilir Meta rrëzoi dy ligjet për PPP-të.

Përmes një statusi në rrjetet sociale ajo e quajti Metën ?baba Xhikja? duke shtuar se nuk kemi më president por kanë gelur vetëm karikatura e tij.

Spiropali nuk e kursen ironinë kur bëhet fjalë për presidentin Meta duke e quajtur atë një hije, nga i cili ka mbetur vetëm vula e tij.

Reagimi i Spiropalit
Nga lartësia e maleve ku thotë se po ngjitet me Çelebiun e tij, Baba Xhikja lëshoi dje një tjetër krismë nga dyfeku presidencial.
Me një fjalor të katandisur si mos më keq ai qëlloi mbi shumicën dhe opozitën parlamentare, ai na rikujtoi se nuk kemi më President, po në vend të Presidentit na ka mbetur një karikaturë e vetë Ilir Metës.

Për kthimin në Parlament të ndryshimeve në Kodin Penal nuk habitemi.
Nuk kemi si presim ndjeshmëri nga Baba Xhikja për hurin në stadiume, sigurinë ushqimore, bllokimin e akseve rrugore e të veprave, vjedhjen e pronësisë intelektuale, dëmtimin e zonave të mbrojtura, për mjekët, policët apo zyrtarët e goditur për shkak në detyrës.
Kur votojmë shtrëngimin e litarit të ligjit kundër dhunës në sport apo dhunuesve në tërësi, nuk kemi ç?presim tjetër nga Baba Xhikja i zjarrit të kërcënimeve ndaj zgjedhjeve, i dekreteve molotov për destabilizimin e vendit, i fjalimeve halucinante kundër ambasadës amerikane dhe delegacionit të BE-së në Shqipëri.
Qeni i kthyer në manar në krahët e tij, tifozët skocezë të kthyer në elektorat në sytë e tij, tërmeti apokaliptik i kthyer në qëndrim zyrtar me vulën e tij dhe ngjitja majë maleve e projektuar si karshillëk kreshnikësh ndaj botës mbarë, në mendjen e tij, flasin qartë që presidenti na ka lënë.

Ka mbetur vetëm hija dhe vula e Baba Xhikes në presidencë, prej ku çeta e tij e mbledhur grusht nën dritën e hënës, pret tërmetin dhe urdhërat nga mali për të shkrepur dyfekun./CNA.al





Lajmet e fundit nga