web counter
LEXO PA REKLAMA!

SHKARKO APP

App Store
Google Play

Ramës i del situata jashtë kontrollit/ Kapet duke gënjyer

7 Gusht 2019, 07:02, Politikë CNA

Partia Socialiste po zien nga brenda, ndërsa kryeministri Edi Rama, duket se po mundohet të manipulojë situatën nga rrjetet sociale, aty ku ka më shumë ndjekës.

“Mirëmëngjes  dhe me këto përshtypje mbi shërbimin e ofruar në 28 qendrat shëndetësore verore të ngritura nga veriu ne jug, 24 orë në dispozicion të pushuesve e turistëve, ju uroj një ditë të mbarë “, shkruan Rama në rrjetet sociale, ndërsa PS po digjet nga brenda.

Por, qytetarët, ndjekësit e kryeministrit në rrjete sociale, të cilët e prekin çdo ditë nga afër realitetin i kanë gati përgënjeshtrimet përballë propagandave mëngjesore që Rama shpërndan.

“Realiteti është krejt i ndryshëm, zoti kryeministër, duhet punë shumë, sidomos në shëndetësi. Nuk është pasqyra e realitetit kjo video. Shërbimet duhet të jenë të barabarta si për të varfërin dhe të pasurin”, i komenton një qytetar, shkruan CNA.al.

Të tjerë e akuzojnë se është gënjeshtar, duke i thënë se këto që tregon në rrjete sociale janë thjesht dhe vetëm fasadë.

“Fasada jote s’ka mbarim. S’është siç e nxjerr ti, po mos gënje kaq hapur.  Para ca javësh ndodhi një aksident në Shëngjin, dy ishin për tokë, njëri ndërroj jetë në spital. Sigurisht që të vijë ambulanca me 40 minuta vonesë e sa është Shëngjini me Lezhën? Nejse, erdhi ambulanca po njerëz civila, asnjë bluzë e bardhë. Kanë qenë duke pieë ndonjë birrë, por kur e morën si me qenë duke marrë në barrel një kafshë jo rob”, shkruan një nga komentuesit, në rrjetin social të Ramës.

Zakonisht kryeministrit Edi Rama, u kthen përgjigje komentuesve në rrjetin social, por këtë radhë, duket se situata i ka dalë jashtë kontrollit dhe ka heshtur.

Madje dhe ushtria e tij dixhitale ka dështuar që të fshijë komentet kritike, ashtu siç bën çdo ditë.

Më poshtë po sjellim komentet e qytetarëve, të cilët të irrituar kanë shpërthyer ndaj Ramës./CNA.al





Lajmet e fundit nga