Basha ia mbathi dhe i la në baltë/ Voltana Ademi: Asnjë hap pas

7 Gusht 2019, 08:15, Politikë CNA

Një ditë pas takimit me ambasadorin e OSBE-së Bernd Boschardt, kryebashkiakja Shkodrës Voltana Ademi deklaron se nuk do tërhiqet asnjë hap pas, për të liruar Bashkinë.

E gjithë kjo situatë zhvillohet, ndërsa kreu i PD-së Lulzim Basha është larguar nga Shqipëria, duke i lënë demokratat, dhe ata që e ndoqën nga pas në protesta.

Pasi nuk mori pjesë as në zgjedhjet e 30 Qershorit dhe nuk u regjistrua as në zgjedhjet 13 Tetorit, Basha i la kryebashkikët e djathtë në zjarr, duke i mbathur për pushime.

“Asnjë hap pas! Shkodranët janë të vendosur të mbrojnë vlerat për të cilat i?u vunë përballë për 45 vite diktaturës. Shkodranët janë të bindur në rrugën e tyre për rikthimin e vendit në shinat e demokracisë.

Shkodranët e kanë të qartë se rreziku vjen nga banda kriminale që ka uzurpuar parlamentin, qeverinë dhe po kërkon të pushtojë edhe qeverisjen vendore”, shkruan Ademi në rrjetet sociale.

Postimi i plotë:

Asnjë hap pas! Shkodranët janë të vendosur të mbrojnë vlerat për të cilat i?u vunë përballë për 45 vite diktaturës. Shkodranët janë të bindur në rrugën e tyre për rikthimin e vendit në shinat e demokracisë.

Shkodranët e kanë të qartë se rreziku vjen nga banda kriminale që ka uzurpuar parlamentin, qeverinë dhe po kërkon të pushtojë edhe qeverisjen vendore

?30 qershori? ishte referendumi popullor që i tregoi klikës në pushtetin e uzurpuar se është pakicë, që i tregoi edhe mbarë botës se shumica e shqiptarëve refuzojnë partinë – shtet, monizmin pas 30 viteve pluralizëm.

Shkodra ia dha përgjigjen juntës anti- kushtetuese të Edi Ramës, me një braktisje të pashembullt, nga të majtë e të djathtë. Me gjithë manipulimet dhe terrorin mbi administratën shtetërore.

Shkodra është e shkodranëve dhe do të jetë gjithmonë e shkodranëve. Krimi qeveritar e ka marrë dhe do ta marrë çdo herë përgjigjen nga Shkodra e qytetarët e saj.

Shkodra nuk mund të lejojë të qeveriset nga banda e inkriminuar uzurpatore, 6 përqindëshat nuk do të mund marrin peng Shkodrën. Do të jetë rrugëtim jo i lehtë, por është e vetmja rrugë për të rikthyer vlerat tek të cilat besojnë shumica e shqiptarëve. Lufta me krimin shtetëror është e vështirë dhe ne shkodranët e dimë mirë! Me vendosmëri, sepse s?ka rrugë tjetër!/CNA.al