web counter
LEXO PA REKLAMA!

SHKARKO APP

App Store
Google Play

Rama reklamon turizmin/ Qytetarët:"Vlora është geto lufte"

6 Gusht 2019, 06:41, Politikë CNA

Shqipëria renditet e 10-ta, në listën e vendeve të botës që duhen vizituar prestigjiozja britanike e udhëtimeve Condé Nest Traveller.

Ka qenë kryeministri Edi Rama që e ka ndarë lajmin me ndjekësit në rrjete sociale.

“Mirëmëngjes dhe me renditjen e Shqipërisë me numrin 10 mes 25 vendeve të botës për të mos u humbur pa vizituar edhe në vjeshtë nga prestigjiozja britanike e udhëtimeve Condé Nest Traveller, ju uroj një ditë të mbarë”, shkruan Rama.

Por pjesa më e madhe e atyre që e ndjekin,  i janë kundërvënë Ramës, duke i thënë se Shqipëria është vend i bukur, por ju politikanët po e shkatërroni.

“Shqipëria është vërtet e bukur por ju dhe e gjithë klasa politike nuk keni asnjë meritë për faktin që këshillohet si destinacion turistik. Të ishte për ju, do ishte kthyer në shkretëtirë ku nuk mbin as bari. U duhen ngritur buste atyre qytetarëve që punojnë me pasion dhe që e promovojnë thjesht për pasion dhe atdhedashuri”, i shkruan nëj qytetar Ramës.

Të tjerë i tërheqin vëmendje, duke i thënë se turizmi do kushte dhe qetësi, ndërkaq, nuk lënë pa përmendur dhe ngjarjet kriminale në Vlorë, që kanë ndodhur në këtë sezon.

“Vlora është geto lufte, ti flet për turizëm. Njëlloj sikur te hedhesh valle në një kasaphanë gjaku. Edhe amanet, më bëj bllok po deshe, ti apo Fuga ose çerrat tuaj, që mos më dalë me kjo faqja jote se s’kam asnjë interes. Ose thuaj Vangjushit, Gjiknurit…ke plot aty”, shkruan i irrituar një qytetar.

Sipas qytetarëve që komentojnë në rrjetin social të Ramës, Shqipërinë e ka bekuar perëndia nga terreni gjeografik, por ka mallkuar duke na dhënë politikanët më të urryer në planetin tokë.

Më poshtë po sjellim postimin e kryeministrit dhe reagimin e qytetarëve./CNA.al

 





Lajmet e fundit nga