web counter
LEXO PA REKLAMA!

SHKARKO APP

App Store
Google Play

“I kanë thënë burgut hapu”/ Endrit Braimllari bën paralajmërimin e fortë

5 Gusht 2019, 19:36, Politikë CNA

Sekretar i përgjithshëm i LSI, Endrit Braimllari ka paralajmëruar me përballje penale, katër anëtarët e PS-së në KQZ, pasi sipas tij kanë shkelur ligjin me refuzimin që i kanë bërë dekretit të Presidentit për 13 tetorin.

I ftuar në studion e lajmeve në RTV Ora, Braimllari tha se ata nuk kanë të drejtë të marrin vendim mbi dekretin e Presidentit ndërsa theksoi se do të përgjigjen penalisht për veprimet e tyre.

“KQZ është dukshëm në drejtimin politik të Edi Ramës, jo vetëm në drejtimin e vendimmarrjes, por shkelin ligjin, bëhen kamikazë të Edi Ramës që në gjykimin tim ata do të përballen me ndjekje penale. Ligji e parashikon se çfarë do të thotë shkatërrim i zgjedhjeve, shkatërrim i demokracisë në vend e kështu me radhë. Ata refuzuan dekretin e Presidentit të mbajtjes së zgjedhjeve lokale në 13 tetor. Ata nuk kanë të drejtë të marrin vendim mbi dekretin e Presidentit. Është Gjykata Kushtetuese që shprehet, jo KQZ, jo Denar Biba me shokë.

Do të merren të gjitha masat, ata me këtë veprim i kanë thënë burgut hapu. Për këtë të jeni të sigurt. Po si duket e kanë mbyllur marrëveshjen me Edi Ramën dhe Edi Rama i ka nën kontroll dhe ata janë kthyer kamikazë të Edi Ramës për të shkatërruar demokracinë në vend.

Sot KQZ kishin shansin që të hidhnin një gur shprese për të vazhduar me proceset demokratike në vend. Ata vazhduan me procesin e 30 qershorit, një proces farsë, monist i drejtuar nga Edi Rama”, deklaroi Endrit Braimllari./CNA.al

 





Lajmet e fundit nga