E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Pse, s'ka zgjedhje me 13 Tetor ?

5 Gusht 2019, 11:49, Politikë CNA

Presidenti Ilir Meta me 10 Qershor firmosi live para mediave në konferencën e jashtëzakonshme, dekretin ku anuloi zgjedhjet e 30 qershorit 2019.

Dhe disa ditë më vonë, Presidenti Meta dekretoi 13 tetorin si datë të zhvillimit të Zgjedhjeve Vendore.

Por pavarësisht kësaj lëvizjeje me 30 Qershor, zgjedhjet u mbajtën. Disa parti të vogla po shkojnë të regjistrohen në KQZ, përfshirë edhe partinë e drejtuar prej tij LSI-në, me pretendimin se me 13 Tetor do të ketë zgjedhje.

Ka shumë arsye se me 13 Tetor, nuk ka zgjedhje. E para, sepse zgjedhjet janë bërë me 30 Qershor, dhe e dyta se deri në fund të muajit Gusht të gjithë kryebashkiakët e rinj konstituohen, pra marrin detyrën, pasi zbardhet vendimi Gjykatës.

Si mund të bëhen zgjedhje me 30 Qershor pasi janë shpallur kryebashkiakë nga Gjykata dhe mandati i tyre konsiderohet i ligjshëm?

Pas vendimit nga Gjykata dhe pas kryerjes së konstituimit ata duhet të kryejnë mandatin katër vjeçar. Edhe pse Opozita e quan nul 30 Qershorin, ka një vendim gjykate në mes.

Së dyti që të bëhen zgjedhje me 13 Tetor duhet fonde. Dhe fondet planifikohen në buxhetin e shtetit, që një vit më parë.

Duhen disa miliona euro që të zhvillohen zgjedhjet, pasi kanë kosto, duke filluar nga fletët e votimit, infrastruktura zgjedhore, qendrat e votimit, KZAZ-të, duhen paguar komisionerët etj.

S’ka as fonde dhe asgjë të planifikuar për këtë punë, sepse në buxhetin e shtetit nuk janë planifikuar që do të bëhen dy palë zgjedhje lokale.

Një palë do të bëjë Rama, kur do Rama, sipas dekretit të parë të Ilir Metës dhe një palë do t’i bëjë Meta, kur do ai, sipas dekretit të dytë të tij.

Është e pamundur që të ketë zgjedhje me 13 Tetor, pavarësisht se këta po tallen në mënyrë të turpshme dhe po shkojnë të regjistrohen, a thua se ka ndryshuar ndonjë gjë e madhe nga 30 Qershori më 13 Tetor.

Asgjë s’ka ndryshuar. Thjesht dhe vetëm po e bëjnë më qesharake që të mbajnë njerëzit më shumë në ankth dhe të krijojnë më shumë presion.

Dhe gënjeshtra e 13 Tetorit do të përfundojë shumë shpejt, sepse me shumë gjasa s’ka për të pasur Gjykatë Kushtetuse deri me 13 Tetor.

Është shumë e vështirë që të ndodhë një gjë e tillë, për të mos thënë e pamundur.

Kështu që edhe Ilir Meta me 13 Tetor nuk shkarkohet edhe zgjedhje lokale me 13 Tetor nuk do të ketë, ndërsa tallja me shqiptarët do të vazhdojë duke filluar nga Basha, i cili në shtator do t’iu rikthehet protestave./CNA.al