web counter
LEXO PA REKLAMA!

SHKARKO APP

App Store
Google Play

E fundit!

x

Tritoli në banesë/ Demaj: Jam në konflikt vetëm me Edi Ramën

5 Gusht 2019, 14:07, Politikë CNA

Nënkryetari i Bashkisë së Kamzës, Vendim Demajt, ka reaguar pas sulmit me tritol që iu bë banesës së tij mbrëmjen e djeshme. Në një prononcim për Top Channel, vetë zyrtari demokrat tha se nuk ka asnjë konflikt, përveç konfliktit politik me Qeverinë.

?Sipas telefonatave të komshinjve, ka qenë ora 23:30 (shpërthimi). Fatmirësisht as unë dhe as komshiu nuk kemi qenë në banesë, por me pushime. Janë thyer të gjitha xhamat e 5 kateve dhe janë shkatërruar dyert. Unë jam në konflikt të vazhdueshëm me qeverinë e këtij fashisti, Edi Rama, dhe cubat e Lleshajt. Asnjë konflikt nuk kam patur në 40 vite. I vetmi konflikt është me ?Llesh kimikun? dhe Edvin Ramën?, tha Demaj.

Demaj u shpreh se do të paraqitet në polici për të vijuar me procedurat,ndërkohë, edhe Policia e Tiranës ka reaguar për ngjarjen, por ndryshe nga Demaj, uniformat blu thonë se tritoli është vendosur në derën e komshiut të nënkryetarit të Kamzës.

?Më datë 04.08.2019, rreth orës 23.30, tek kthesa Kamzës në katin e tretë të një pallati,  në pjesën e derës së banesës së marrë me qera nga shtetasi P.Gj,  ka shpërthyer  një sasi  e vogël lënde e dyshuar plasëse, ku në momentin e shpërthimit brenda në banesë nuk ka pasur njeri  dhe si pasoje ka vetëm dëme materiale?, thuhet në deklaratën e policisë./CNA.al





Lajmet e fundit nga