web counter
LEXO PA REKLAMA!

SHKARKO APP

App Store
Google Play

E fundit!

x

Çudit kryebashkiaku i Sarandës/ Bën betimin në hotel

6 Gusht 2019, 11:43, Politikë CNA

Kreu i ri i Bashkisë së Sarandës, Adrian Gurma ka çuditur opinionin publik ditën e sotme, pasi që në vend të merrte detyrën e tij në Bashki, është “arratisur” duke e zhvilluar ceremoninë e tij të betimit në një hotel.

Ndryshe nga ceremonitë e betimeve rutinë të kryebashkiakëve të majtë, të cilat jemi mësuar të shohim deri tani, Gurma duket se ka ?hedhur? pas krahëve muret e bashkisë, duke vendosur tij japi ngjyra ditës së tij të veçantë.

Ai ka kryer betimin e tij në një nga hotelet e Sarandës me pretendimin e numrit të lartë të të pranishëmve dhe mbështetësve.

Mësohet se ?ahengut? të Gurmës i është bashkuar edhe deputeti i Partisë Socialiste Damian Gjiknuri,  prefekti i Vlorës Flamur Mamaj dhe zv.ministri i Brendshëm, Julian Hodaj. Ndërkohë, në ceremoni ka munguar kryetarja në ikje e këtij institucioni Florjana Koka, e cila edhe pse e dalë nga radhët e PS-së, ka refuzuar ti jap bekimin e saj në këtë punë të re me shumë përgjegjësi.

“Nuk premtoj se do të bëj mrekullira, por Saranda e sotme do të jetë më e mirë se ajo e djeshme. Koha e fjalëve ka mbaruar, ka nisur koha e punës”, tha Gurma në fjalën e tij të parë si kryetar i Bashkisë.

Në fjalën e tij deputeti Damian Gjiknuri duke shprehur mbështetjen e tij për kreun e ri të bashkisë, tha se në drejtimin e tij është i bindur që Saranda do të jetë më e mirë.

“Është një sfidë e vërtetë. Saranda është një qytet i mrekullueshëm. Një qytet që ofron shumë, por ka nevojë edhe për shumë investime dhe vëmendje, pasi shtimi i turistëve patjetër kërkon angazhime. Qeveria do ta mbështesë Sarandës, siç e ka mbështetur. Jam i bindur që do ta bëj shumë mirë këtë punë dhe shpresoj për ditë më të mira për Sarandën dhe shqiptarët”, tha Gjiknuri.

Gjithashtu, ditën e sotme, është konstituuar edhe Këshilli Bashkiak i Sarandës, ku kryetar i saj është zgjedhur Asaf Stroka me 21 vota, kundrejt 8 votave të marra nga Sotir Cipa./CNA.al





Lajmet e fundit nga