"Je politikani më i dështuar në Shqipëri"/ Demokratët ia heqin vizën Bashës për kryeministër

7 Gusht 2019, 07:42, Politikë CNA

Kreu i PD-së, Lulzim Basha, është larguar nga Shqipëria të premten e 2 Gushtit në drejtim të Holandës.

Një ditë më parë CNA.al raportoi se nga Holanda ka udhëtuar drejt Portugalisë.

Por, ndërkohë në media Basha shfaqet duke kryer takime në rrethe të ndryshme të vendit.

Zyra e tij e shtypit, po shpërndan në media dhe rrjete sociale kasetat e parapërgatitura nga takimet e mëhershme, ndërsa Basha, pas ujitjes së tulipanëve në Holandë, vijon pushimet në Portugali.

Aksioni opozitar, ka mbetur thjesht dhe vetëm në disa kaseta që nëse prishen, s’do të kemi më Bashë as në media dhe rrjete sociale.

Para rreth 14 orësh në rrjete sociale, është shpërndarë një takim sikur Basha ishte në Roskovec.

Majftuan disa akuza ndaj Ramës, foto me një grup të vogël njerëzisht, etiketimi i vendit se ku ndodhet, për t’ju hedhur his syve dhe për të mashtruar demokratët, opozitarët dhe të gjithë shqiptarët.

Pasi Basha pretendon të bëhet kryeministër. Po, ku do ta bëjë selinë e kryeministrisë në Holandë?

Gjithsesi detyra e kryeministrit, konsiderohet si një ëndërr në sirtar e Bashës, një sirtar që duket se s ‘do të hapet kurrë.

“Krimi dhe Edi Rama janë të pandashëm. Që të largojmë krimin duhet të largojmë Edi Ramën!

Çdokush që ka iluzionin se me Edi Ramën në krye të qeverisë mund të ketë zgjedhje të lira e të ndershme, duhet të ekzaminojë kujtesën dhe të shohë faktet”, shkruan Basha në rrjete sociale, duke u hequr sikur është në Roskovec.

Ndërkohë demokratët i kërkojnë të mbajë premtimet që ka dhënë, të largojë Edi Ramën.

“Bëj diçka se ngelëm duke duruar Edi Ramën gjithë kohën bla bla bla. A do ngrihemi se me këto që po bën ti edhe 100 vjet në krye të shtetit e ke, se s’ka vdekje ai gjakpirësi”, i shkruan një demokrat.

Në kushtet e dështimit të deritanishëm, demokratët i kërkojnë garanci Bashës për të mbështetur më tej.

“Duhen garanci Luli, jo vetëm sharje ndaj Edi Ramës. Si i siguron ti njerëzit se ti nuk do të veprosh njëlloj me biznesin. Ku janë garancitë? Gjej mënyra që kontrata me qytetarët të jetë e detyrueshme për zbatim, përndryshe askush nuk beson. Ne kërkojmë të jemi të barabartë para ligjit, por nëse ligji nuk është i drejte, çfarë pastaj?”, i shkruan një nga demokratët e që e ndjek në rrjetet sociale.

Por, për të tjerë demokratë, Basha është politikani më i dështuar në Shqipëri dhe nuk meriton mbështetje.

“Ti je politikani më i dështuar në Shqipëri, qe ia ke shit Shqipërinë Edi Ramës. Mendoje mirë, ç’bën seriozisht, nuk ke strategji pa fletë e pa laps. Ja ta shpjegoj. Pyeta miqësin time këtu në Tiranë dhe u thashë kë do votoni, të besohet se askush nuk dinte kë të votonte. Edi Ramën se duan, ty s’të besojnë se je si je dhe ça ke që e ke, me pak fjalë s’shkon mirë me veten. Monika Kryemadhi është si është që se di ku është dhe s’di ç’bën. E kupton ku është kandandisur politika”.

Ky ka qenë mesazhi i ashpër i një demokrati në rrjetin social të Bashës.

Më poshtë po sjellim komentet e demokratëve./CNA.al