web counter
LEXO PA REKLAMA!

SHKARKO APP

App Store
Google Play

E fundit!

x

Pasi shkriu LSI/ Meta hakmerret ndaj shqiptarëve

7 Gusht 2019, 06:39, Politikë CNA

Presidenti Ilir Meta, i cili kohët e fundit është shumë aktiv në rrjetet sociale,  është shfaqur i shqetësuar për 18 Tetorin, ditë kur Shqipëria pret lajmin për çeljen e negociatave.

Sipas Metës që të mos dështojnë negociatat, e vetmja  zgjidhje janë zgjedhjet.

“Pa zgjedhje nuk ka demokraci. Pa demokraci nuk ka drejtësi të pavarur. Pa të dyja së bashku nuk ka të drejta dhe ekonomi për të gjithë shqiptarët. Dhe as ndëshkim për politikanët”, ka shkruar Meta në rrjetet sociale.

Por, për qytetarët, negociatat po pengohen nga Presidenti, ndaj i kërkojnë të japë dorëheqjen.

“Në qoftë se ti jep dorëheqjen nga politika 18 tetori është i hapur. Me ty nuk hapet 18 Tetori. Zgjedhjet u bënë mbaroj gjithçka, prit mbas 4 viteve, pastaj bëhen zgjedhjet”, i shkruan një qytetarët Metës.

Më tej qytetarët i kërkojë të ndalë talljen dhe mos të luajë me ta si macja me miun.

“Shoku President, zgjedhjet u bënë me 30 Qershor , askush nuk i ka faj PD/LSI se nuk hynë në zgjedhje. Ti luajte me datat si macja me miun, opozita është në Parlament. Apo harroni se kanë kosto këto gjëra, apo nuk u plas fare si gjithnjë se populli dele paguan”. Ky është reagimi i një ndjekësi të Presidentit në rrjetet sociale.

Ndërkaq një tjetër e pyet se për kë parti do të bëhet zgjedhjet, pasi PD nuk u regjistrua.

“Për këtë parti do të bëhen zgjedhjet me 13 Tetor, se PD nuk merr pjesë në to”. Ne do të shkojmë me LSI-në, partitë e Dukës, Mediur e Ndokës? Nuk të duket qesharake, kjo o President?!” . Kjo ka qenë pyetja e qytetarit, por serioziteti i Presidentit është sa për të diçka në rrjete scoale e për t’u zhdukur dhe jo për t’ju përgjigjur reagimit dhe pyetjeve të qytetarëve.

Por, pasi shkriu LSI -në, e cila tashmë konsiderohet si një parti hajdutësh dhe e pabesueshme, Meta duket se po kërkon të hakmerret ndaj shqiptarëve, duke mbajtur peng negociatat.

Më poshtë po sjellim komentet e qytetarëve të revoltuar, të cilët shprehen se politikanët po tallen me ta, ndërkohë që këta të fundit kanë marrë rrugët e Evropës./CNA.al





Lajmet e fundit nga