web counter
LEXO PA REKLAMA!

SHKARKO APP

App Store
Google Play

E fundit!

x

Tre vjetori i vrasjes së Ardit Gjoklajt/ Mesazhi i dhimbshëm i emigrantit

7 Gusht 2019, 21:41, Politikë CNA

Më parë ka qenë anëtari i Bordit Drejtues të Bindjes Demokratiek, Fabian Topollaj, i cili, me një postim në fcb ka kujtuar sot vrasjen e të riut Ardit Gjoklaj, i cili u gjet i vdekur pranë landfilllit të Sharrës, vendit ku 17-vjeçari punonte për të ndihmuar familjen tij.

Me rastin e tre vjetorit të kësaj vrasjeje të mbetur ende pa autor të dënuar, Topollaj ?shigjetoi? kryebashkiakun e Tiranës, Erion Veliaj, duke thënë se përpjekja për të fshehur të vërtetën është më shumë sesa kriminale.

Ndërkohë që të njejtëin përkujtim të dhimbshëm ka bërë dhe Genc Sejko, i cili jeton në Angli dhe është i njohur për reagimin nëpërmjet rrjeteve sociale për ngjarje të renda.

Në postimin më të fundit në faqen e vet, Sejko shkruan:

“Imagjino një djalë 17 vjeç.

Një djalë që vjen nga një familje kaq e varfër sa nuk blen dot librat e shkollës.

Imagjino një djalë që punon i pa siguruar në shi e në terrin e natës, në landfillin e Tiranës.

Imagjino një djalë kaq të lodhur sa në pushimin e bukës, e zë gjumi nën një qese plasmasi.

Një gjumë nga i cili nuk zgjohet kurrë.

Imagjino sikur të ishte djali yt”, shkruan Genc Sejko, stërnip i  ish Admiralit të Marinës Ushtarake, Teme Sejko, i cili u dënuar me pushkatim nga regjimi i Enver Hoxhës.

Genci jeton në Angli dhe është i shquar për opozicionin ndaj qeverisjes së “rilindasve” të Edi Ramës./CNA.al





Lajmet e fundit nga