web counter
LEXO PA REKLAMA!

SHKARKO APP

App Store
Google Play

E fundit!

x

Partisë Socialiste i del tymi/ Konflikti ministra-deputetë, shtrihet në bazë

7 Gusht 2019, 09:43, Politikë CNA

Partia Socialiste po zien nga brenda. Mazhoranca është përfshirë nga debate  dhe përplasje të ashpra brenda llojit.

Konfliktet mes një numri të madh deputetësh dhe ministrave janë shtrirë edhe në bazë.

CNA.al ka  raportuar pak ditë më parë, duke iu referuar burimeve zyrtare, brenda PS, se ka një lloj pakënaqësie të madhe, gjë që ka sjellë përplasje mes grupit parlamentar dhe ministrave të Partisë Socialiste.

Ministrat nuk përfillin më, një pjesë të madhe të deputetëve dhe rrjedhimisht as kërkesat e tyre.

Deputetët për ministrat, duke se janë ushtarë me rrogë dhe asgjë më shumë.

Në fakt, kryeministri Edi Rama, e pati konfirmuar se PS është në krizë në qendër, gjatë Asamblesë Kombëtare, por tashmë kriza është shtrirë dhe bazë.

Partia Socialiste po digjet nga brenda, ndërsa kryeministri Edi Rama, vijon të krihet me propaganda në rrjete sociale, për të manipuluar situatën.

Por, manipulimi tashmë duket se është i vështirë, pasi PS po i del tymi çdo ditë më shumë, pasi “zjarri’ vetëm sa vjen dhe përhapet.

Lufta ka përfshirë PS, është shembëllzuar në Sarandë. Personi, për të cilin zëvendëskryeministri Erion Braçe, kërkoi që të hetohej është zgjedhur në krye të Këshillit Bashkiak të Sarandës.

A është ndonjë PS tjetër në Sarandë, apo kjo që drejton Edi Rama?

Dje, është konstituuar  këshilli bashkiak i Sarandës dhe në krye u zgjodh Asaf Stroka, me 21 vota.

Socialistët, rrëzuan Erion Braçen, duke zgjedhur në krye të Këshillit,  personin që zv/kryeministri Erjon Braçe e denoncoi publikisht disa ditë më parë.

Por, pas pesë ditësh që zëvendëskryeministrit Erjon Braçe bëri kërkesën  për kallëzim penal, ndaj  Asaf Strokës, ky i fundit është emëruar në krye të këshillit bashkiak Sarandë, i votuar nga anëtarët e Partisë Socialiste.

Asaf Stroka  ka qenë në pozicionin e kryetarit të Përmbarimit të Sarandës, ndërsa ka urdhëruar AKU-në të hiqte sekuestron ndaj një punishteje mishi ku u sekuestrua një sasi e konsiderueshme mishi dhe frutash deti të skaduara.

‘Me datë 31 korrik, gjykatësi Elidon Papazisi ka hequr masën e bllokimit dhe përmbaruesi Asaf Troka, pa njoftuar zyrtarisht AKU-në ka qenë në punishte dhe ka hequr të gjitha vulat e bllokimit! A keni turp gjykatës e përmbarues bashkë?! Thoni në vendim duke e justifikuar atë se po mbroni interesin publik; jeni çmendur apo çfarë? Cili është interesi publik, të hash pula të skaduara? Apo të hash sallam prej tyre? ?Boll më!”, shkruante Braçe në reagimin e tij me 31 Gusht.

Më tej zëvendëskryeministri njoftonte se kishte kërkuar nga AKU që të vlerësonte procedurat e ndjekura nga përmbaruesi Asaf Stroka dhe nëse shihte vepër penal ta kallëzonte.

Kërkesa e Braçes nuk është marrë parasysh derisa Stroka, mori detyrën e kryetarit të Këshillit Bashkiak të Sarandës./CNA.al

Ekskluzive-Plas në PS/ Deputetët konfliktohen me ministrat





Lajmet e fundit nga