Veliaj del zbuluar/ Kryebashkiaku i Tiranës në panik

8 Gusht 2019, 07:46, Politikë CNA

Kryebashkiaku i Tiranës, Erion Veliaj, duket se është në panik nga kritikët që në fakt janë njerëz të thjeshtë, janë qytetarë të Tiranës, të cilët paguajnë taksa pas taksash.

Në postimet e tij në rrjetet sociale, aty ku pretendon se është transparent, Veliaj, kompania e tij dixhitale, censuron çdo koment kritik.

Ashtu siç del në media me kaseta të servirura, të montuara ku propaganda duket bukur, njësoj vepron edhe në rrjetet sociale.

Për çfarë dhe nga se frikësohet Erion Veliaj, nëse ka punuar dhe po punon për Tiranën siç pretendon ai dhe nëse nuk është përfshirë në afera korruptive apo edhe më tej në vrasje siç është rasti i Ardit Gjoklajt?

“Për fëmijët ia vlen çdo investim! Ashtu siç premtuam, përfundoi rikualifikimi i një tjetër hapësire në një nga lagjet më të vjetra në Njësië 8. Të vegjlit e zonës kanë një kënd të ri lojërash dhe më të rriturit një hapësirë shplodhëse”, shkruan Veliaj në rrjetet sociale.

Në fakt nuk është për mburrje të bësh atë çfarë ke për detyrë si fëmijët, si të moshuarit apo dhe kategoritë e tjera, që duan një Tiranë ku të marrin frymë lirisht.

Mirëpo, Tirana nuk është ajo që reklamon Veliaj në rrjete sociale.

Ky konstatim, vjen dhe nga ndjekësit e tij në rrjete sociale, që nuk dihet se si kanë shpëtuar pa u fshirë komentet e tyre.

“Shumë mirë që bëni investime në parqe për fëmijë, po në sigurinë për ta pse nuk investoni? Në një nga rrugët e bëra së fundi në Tiranë në zonën e Laprakës pas Spitalit Ushtarak, është thyer dhe hapur komplet një pusetë. Ajo jo vetëm është problem për fëmijët që rrezikojnë të bien brenda teksa kalojnë, por është bërë burim aksidentesh për makinat që kalojnë dhe shqetësim për banorët që jetojnë në atë zonë, pasi jo vetëm që vjen një aromë e tmerrshme, por edhe është burim infeksionesh, sidomos në stinën e verës.

Dhe gjëja më e keqe është se në numrin e vendosur në dispozicion nga Bashkia herën e parë thanë që do vijnë ta rregullojnë (gjë që s’ka ndodhur ) dhe më vonë as nuk përgjigjen. Është shumë mirë të kryhen investime, po edhe të mirëmbahen pasi tek e fundit fondet për këtë mbahen nga lekët e taksave të paguara nga vete ne”, i shkruan një qytetare, duke e nxjerr blof me propagandat e tij.

Ankesat e qytetarëve janë të shumta nisur nga numri i komenteve që duken në krye, por pak prej tyre kanë arritur të mbijetojnë në rrjetin sociale të Veliajt.

“Po ai 100 metërshi i fundit i Grigor Hebës që u inagurua para 3 vitesh kur do përfundojë? Kanalet e ujërave të zeza shpërthejnë herë pas here. Kjo hapësirë rruge është bërë shumë acaruese per ne, rreth 100 familje të Njësisë”, ankohet nëj tjetër qytetar i Tiranës./CNA.al