Lulzim Basha në panik nga Bindja Demokratike

3 Maj 2019, 12:59, Aktualitet CNA

Kryetari i Republikës së re, Lulzim Basha duket mjaft i trembur, thuajse i llahtarisur nga themelimi i Bindjes Demokratike, gati një javë më parë.

Një forcë e re politike, e cila lindi pas dështimeve të njëpasnjëshme të Lulzim Bashës, pas aksioneve të tij të dështuara politike, pas përjashtimeve, përçarjeve dhe pazareve me kryeministrin Edi Rama.

Bindja Demokratike erdhi si një lëvizje e re politike kundër estabilishmentit, por që ka trembur jo vetëm kryeministrin Rama, por duket se ka futur në panik dhe ka llahtarisur Lulzim Bashën.

Pasi i vërsuli për disa ditë mediat rreth e rrotull tij, dhe ato që i paguan ai, kunati, familjarët apo deputetët miliarderë që ka nga pas, sot i ka vërsulur Bindjes Demokratike, një parti të vogël aleate, me pretendimin për t?u ankimuar në Kolegjin Zgjedhor, për ç?regjistrimin e Bindjes Demokratike.

Në fakt, fillimisht kjo forcë politike u prit me skepticizëm, dhe Basha vetë nuk e zuri në gojë, duke bërë indiferentin, por tani duket se është në një hall të madh.

Bindja Demokratike e ka detyruar Lulzim Bashën të tërhiqet së pari nga teza që nuk do të hyjë në zgjedhje dhe gati po kërkon pazar, po kërkon marrëveshje edhe me Ramën kryeministër, vetëm që të zgjidhet dhe të kalojë situata me mandatet e deputetëve dhe të hyjë në zgjedhje pas ?kryqëzimit? që i kanë bërë ndërkombëtarët. SHBA, nëpërmjet ndihmëssekretarit Palmer apo Gjermania, nëpërmjet nënkryetarit të grupit parlamentar të CDU-së.

Më tej, Lulzim Basha duket se reflekton frikën dhe panikun e tij mbi faktin e theksuar më sipër, të cilin po e përsëritim, se pasi i vërsuli mediat, sot po i vërsul një parti aleate.

Gjthësesi e mira do të ishte që Luli të kishte më shumë qetësi dhe të tregohet më i sigurtë pasi ai pretendoi se me Monikën është fitues, por nuk është gjë tjetër thjeshtë dhe vetëm aleati pazarxhi i Edi Ramës.

Sot Bindja Demokratike e ka llahtarisur dhe ai po bën gjithçka që ajo të mos regjistrohet në zgjedhje.

Luli po sillet si komunist i vogel dhe i frikesuar.

Ndoshta Luli, vjehrri, kunati dhe kusuret që i vijnë nga pas gjithmonë kanë menduar se PD-ja dhe e djathta është pronë dhe parti e tyre apo dhe opozitarizmi i vërtetë, që ta përdorin Partinë Demokratike si “plaçkë lufte”, për interesat e tyre.

Tashmë që e kuptuan se opozita dhe e djathta e vërtetë nuk është vetëm Republika e re dhe PD-ja e marrë peng, veprojnë në panik dhe çfarë nuk mund të bëjnë. Prandaj Fali o Zot, se ata nuk dinë se çfarë bëjnë. Ata nuk e kishin menduar kurrë se do të themelohej një parti e djathtë që do të kishte këto parime dhe vlera. Kanë besuar gjithmonë se do ishte e përçarë, por tani që ka një produkt i ka zënë paniku.

Në fakt, gjithçka mund të përdorë Luli duket një instrument i pavlerë. Bindja Demokratike, e ka nisur rrugën e saj kundër qeverisë ?Rama? dhe kundër pazareve të Lulzim Bashës e kthimin në dinjitetin e vërtetë të demokrateve dhe tek vlerat e tyre.

Duke e braktisur Republikën e re të familjarëve, kunetërve, vjehrrëve, apo 16 milion eurove në pazar me kryeministrin, për të kthyer edhe një herë ato parime dhe vlera që iu takojnë demokratëve të vërtetë.

Tashmë Luli duket më i frikësuar se kurrë dhe veprimet e tij flasin më shumë se çdo gjë tjetër. Gjithësesi vështirë se Lulzimi mund të ndalë Bindjen Demokratike, pasi nuk e ka provuar kurrë se çdo të thotë të jesh i bindur./ CNA.al

Bindja Demokratike tmerron Lulin/ I vërsul aleatin