web counter
LEXO PA REKLAMA!

SHKARKO APP

App Store
Google Play

E fundit!

x

Çollaku denoncon skandalin/ Akt mafioz në Bashkinë e Tiranës

3 Maj 2019, 12:30, Aktualitet CNA

Ka reaguar sot Kryetari i Këshilltarëve Bashkiak të PD-së, Kreshnik Çollaku, lidhur me mbledhjen e sotme të Këshillit Bashkiak të Tiranës.

Sipas Çollakur kjo mbledhje ka qenë e turpshme dhe me qëllime mafioze sepse ka zgjatur 45 minuta në total dhe kanë miratuar 6 vendime në lidhje me administrimin, dhënien apo përdorimin e pronave publike.

Për të miratuar vendime të tilla, Çollaku sqaron se, duhen 31 anëtarë, pra 3/5 e votave totale të anëtarëve të Këshillit Bashkiak.

Në kundërshtim me ligjin, Veliaj i ka miratuar këto vendime me vetëm 31 vota, pasi anëtarët e PD-së nuk kanë qenë të pranishëm. Por në fakt ligji detyron të jenë 37 vota për të miratuar vendime të tilla me interes publik.

Ai e quan këtë akt mafioz dhe sqaron se e gjithë kjo bëhet për grabitjen e pronave publike në Tiranë nga kryetari i bashkisë, Erion Veliaj dhe kryeministri, Edi Rama.

E njëjta gjë  ka ndodhur edhe me Teatrin Kombëtar.

Një tjetër asrye e forte se përse këto vendime janë shumë të dyshimta është se përmbajtja e tyre është mbajtur sekret.  Asnjë këshilltar nuk ka patur informacion se çfarë përmbajnë këto vendime që lidhen me trualle publike në Tiranë.

Kjo është një klimë mafioze që qeveris Tiranën, u shpreh Çollaku, duke akuzuar Veliajn dhe Ramën si përfitues të drejtëpërdrejtë, me interesa vetjake, duke përdorur pronën e përbashkët publike.

“Erion Veliaj është sozi dhe vegël e Edi Ramës prandaj vetëm protesta dhe rezistenca do t?i largoj ata përfundimisht”, -tha Kreshnik Çollaku në mbyllje të fjalës së tij.





Lajmet e fundit nga