web counter
LEXO PA REKLAMA!

SHKARKO APP

App Store
Google Play

Kriza politike/ Nishani: Të përfshihet Meta

3 Maj 2019, 11:51, Aktualitet CNA

I ftuar sot në televizionin A2 në një lidhje të drejtëpërdrejtë, ish-presidenti Bujar Nishani ka folur rreth aksionit opozitar dhe rreth detyrave të qeverisë tranzitore të cilat u shpalosën dje nga opozita.

Ndër të tjera, Nishani është pyetur edhe në lidhje me qëndrimin e Presidentit Ilir Meta lidhur me ngërçin politik.

Gazetarja e pyet nëse qëndrimi i i Metës është i drejtë, pasi duket sikur është më shumë opozitar edhe pse në fakt duhet të ishte mbi palët.

Nishani e quan të drejtë dhe në përputhje me Kushtetutën qëndrimin e Metës, por thekson se zgjidhja duhet të vij nga vullneti i palëve politike.

“Sulmet mbi Presidentin nuk janë të mbështetura në fakte por kanë natyrë politike. Roli i Presidentit është legjitim. Presidenti është duke ushtruar tagrin e tij Kushtetues. Jam pro përfshirjes së Presidentit, por më parë duhet të ketë një vullnet politik të palëve për të gjetur zgjidhje.

Mazhoranca nuk ka vullnet për zgjidhje dhe kjo e bën të vështirë uljen në tryezë. Për të treguar vullnet duhet të dorëhiqet Edi Rama, kjo është e vetmja mundësi që të gjendet një zgjidhje mes palëve” – tha ndër të tjera Nishani.





Lajmet e fundit nga