E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Protesta e opozitës jehonë në mediat e huaja/ Çfarë shkruan Reuters

3 Maj 2019, 11:28, Aktualitet CNA

Një ditë më parë, opozita protestoi duke bllokuar rrugët në 12 qarqet e vendit.

Ndërkohë, protesta e opozitës, ka pasur jehonë edhe në mediat e huaja, mes të cilave edhe agjencia e lajmeve Reuters.

Në artikullin e publikuar nga Reuters, shkruhet se opozita kërkon qeveri tranzitore dhe zgjedhje të parakohshme dhe se është shprehur hapur se nuk do të marrë pjesë në zgjedhjet lokale të 30 qershorit, sipas liderit Basha; Sepse nuk do të ketë zgjedhje me 30 qershor!

Reuters sjell në vëmendje thirrjet e BE dhe Amerikës që opozita të futet në parlament dhe të marrë pjesë në zgjedhje, pasi qeveria e Ramës është legjitime.

Ja çfarë shkruan ndër të tjera Reuters:

Në tre muaj opozita mban protesta për të nxitur qeverinë që të pranojë zgjedhje të parakohshme. Opozita thotë se zgjedhjet parlamentare të vitit 2017 u blenë, ndonëse qeveria Rama hedh poshtë akuzat. BE dhe Amerika thonë se qeveria aktuale shqiptarë është legjitime, dhe i kërkojnë opozitës që të kthehet në parlament dhe të marrë pjesë në zgjedhjet lokale të 30 qershorit.

Kryetari i PD, Lulzim Basha, gjatë një takimi që mbajti me aleatët e tij në praninë e gazetarëve, tha se Rama duhet të largohet dhe pas kësaj partia e tij do ulet në tavolinë me socialistët në pushtet për të folur për krijimin e një qeverie të përkohshme, tranzitore dhe të fillojnë përgatitjet për zgjedhje të lira e të ndershme.

?Unë u bëj thirrje miqve tanë evropianë dhe ndërkombëtarë që të mos dënojnë Shqipërinë?, tha Basha dje nga Elbasani, duke iu referuar vendimit në pritje nga Bashkimi Europian.

?Nuk do të ketë zgjedhje pa opozitën e vendit. Nuk do të ketë proces të rremë zgjedhor?, shtoi ai.

Nga ana tjetër socialistët thonë se zgjedhjet lokale do të mbahen me 30 qershor, dhe kështu do të vazhdojnë edhe nëse demokratët nuk marrin pjesë. Demokratët nuk janë regjistruar ende, e ndërsa një grup i shkëputur nga radhët e tyre ka krijuar partinë e vet dhe do të futet në zgjedhje, ( fjala është për Bindjen Demokratike).

Zëvendëskryeministri Erion Braçe ironizon propozimin e Bashës dhe shkruan: Paç fat me qeverinë tënde. Harroje se mund të marrësh pushtetin në tryezë, të bën dëm për shëndetin.