web counter
LEXO PA REKLAMA!

SHKARKO APP

App Store
Google Play

10 vite nga vrasja e Fatmir Xhindit/ Balla: Drejtësia e re do të zbardhë çështjen

3 Maj 2019, 10:49, Aktualitet CNA

Është zhvilluar sot në Roskovec ceremonia për 10-vjetorin e vrasjes së ish-deputetit socialist, Fatmir Xhindi, ku i pranishëm ishte edhe kreu i grupit parlamentar të PS, Taulant Balla.

Në fjalën e tij, deputeti Balla theksoi se drejtësia e re që po lind, do e zbardhë vrasjen e Xhindit dhe fajtori do të marrë dënimin e duhur.

Balla nuk ka lënë pa shigjetuar edhe kundërshtarët politik, të cilët i bën fajtor për moszbardhjen në kohë të ngjarjes së rëndë.

?Ne nuk e kemi harruar detyrën që ka lënë pas largimi i Fatmir Xhindit. Jemi të keqardhur që institucionet e asaj kohe nuk reaguan për ta zbardhur çështjen. I bashkohem thirrjes së Andiel Xhindit. Drejtësia e re që po lind do të zbardhë këtë çështje dhe kushdo që guxoi të ngrinte dorë mbi deputetin e Partisë Socialiste do të marrë dënimin e duhur?, deklaroi Balla.

Anduel Xhindi, i cili është deputet i PS-së kërkoi të gjenden autorët e vrasjes së babait të tij.

?U bënë 10 vjet nga ndarja nga jeta e babait tim dhe drejtësia nuk e ka thënë fjalën e saj. Na mundon pyetja kush e vrau dhe pse e vrau Fatmirin?! Iu bëj thirrje institucioneve të drejtësisë të zbardhin ngjarjen që shpirti i tij të jetë në paqe dhe ne të jemi të qetë?, tha Anduel Xhindi./ CNA.al





Lajmet e fundit nga