E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Dy arsye, pse Basha duhet të japë dorëheqjen

23 Prill 2019, 13:14, Aktualitet CNA

Pas dorëheqjes së liderit historik të demokratëve, Sali Berisha pas zgjedhjeve të qershorit 2013, Lulzim Basha mori drejtimin e Partisë Demokratike.

Basha tha se do angazhohej për një fillim të ri të fuqishëm, për ristrukturimin dhe ringritjen e Partisë Demokratike, për t?u dhënë shqiptarëve sipas tij, një opozitë të fortë, krijuese dhe të vendosur në mbrojtje të interesave të tyre, dhe për ti dhënë fund tranzicionit.

Por, çfarë ndodhi më pas?

Në zgjedhjet e 25 qershorit 2017, pasi mashtroi demokratët dhe i futi në çadër, Basha bëri marrëveshje me Edi Ramën, duke i shkaktuar një humbje të turpshme Partisë Demokratike, e cila mori 230 mijë vota më pak.

Por, përveç humbjes që i shkaktoi PD-së, duke nxjerrë një listë kandidatësh nga zyra e kunatit, të pakonsultuar me asnjë, Lulzim Basha solli një grup parlamentar qesharakësh dhe sharlatanësh. Për më tepër, u akuzua edhe se ka futur në lista kandidatë të cilët kanë paguar shumë të mëdha parash, për të qënë në listat fituese.

Por, në vend që të jepte dorëheqjen dhe të merrte përgjegjësinë e humbjes, Lulzim Basha ?vetëngriu, duke thënë se nuk do të jepte dorëheqjen nga posti që mban, por do të ngrinte funksionet e tij organizative dhe ia kaloi kompetencat nënkryetarëve dhe sekretarit të përgjithshëm të Partisë Demokratike.

Pasi Lulzim Basha e kuptoi që me listën e tij solli në parlament një tufë të paaftësh, bëri një akt të paprecedentë, duke vendosur djegien e mandateve të deputetëve.

Por, pikërisht nga kjo listë kandidatësh, të bëra nga vetë Basha, dolën dy deputetë të cilët nuk iu bindën urdhërit të tij. Deputetja Rudina Hajdari dhe deputeti Myslym Murrizi nuk pranuan të djegin mandatet dhe sot janë në Kuvendin e Shqipërisë.

Por, listat e Lulzim Bashës, sollën edhe një tjetër fenomen. Ata që ishin në krye të listave, Basha iu dogji mandatin, por tashmë në parlament po hyjnë emra që kreu i PD-së, i përdori për të mbushur listat.

Tashmë pikërisht emrat e futur në listat shumëemërore të PD-së, në zgjedhjet e 25 qershorit 2017, po pranojnë të marrin mandatet, duke çuar kështu në krijimin e një tjetër opozite parlamentare.

Është sërish përgjegjësia e Lulzim Bashës, edhe për ata që sot po futen në parlament, duke marrë mandatet e djegura të ish-deputetëve.

Pra, Lulzim Basha ka dy arsye të mëdha pse duhet të japë dorëheqjen dhe të largohet. Dhe gjithcka vjen vetëm si pasojë e paaftësisë së tij dhe veprimeve të nxituara dhe të pakonsultuara./ CNA.al