web counter
LEXO PA REKLAMA!

SHKARKO APP

App Store
Google Play

E fundit!

x

Nard Ndoka jep alarmin/ Po shkohet drejt përplasjes popullore

23 Prill 2019, 11:44, Aktualitet CNA

Kreu i Partisë Demokristiane Nard Ndoka, pas firmosjes së koalicionit me Partinë e Demokratike, për të mos hyrë në zgjedhjet vendore, ka dalë me një deklaratë të fortë.

Parapraprakisht ka thënë se dalja e Opozitës nga Kuvendi ishte vendimi i duhur pas rënies së Gjykatës Kushtetuese.

“Nuk kemi Gjykatë Kushtetuese, por kemi një kryeministër që kontrollon sistemin e drejtësisë. Gjykata Kushtetuese, është i vetmi instrument i Opozitës për të kontrolluar mazhorancën. Por, Rama e ka shembur sistemin e drejtësisë”, ka thënë Ndoka, i ftuar në A2 televizion.

Sipas Ndokës, Rama është një aventurier dhe në rast se do ti shkonte mendja të shiste vendin, Opozita është e pafuqishme për ta kundërshtuar.

I pyetur se çfarë do të bëjnë tani pas daljes në rrugë, Ndoka ka siguruar se nuk do të tërhiqen nga bojkotimi i zgjedhjeve.

“Ne jemi të vendosur për këtë. Nuk ka opozitë që ka dëshirë të bojkotojë zgjedhjet, por ne kërkojmë rregulla loje që vendoset me kompromis, rregulla që Rama i ka kërkuar kur ishte në Opozitë. Ai asnjëherë nuk është futur në zgjedhje pa reformë zgjedhore . Sot që ka mundësi të bëjë kompromis,  nuk tenton ta bëjë një gjë të tillë, por kërkon konflikte”, ka thënë Ndoka.

Më tej kreu i Partisë Demokristiane, ka paralajmëruar se në këtë situatë por shkohet drejt përplasjes popullore. Sipas tij 30 Qershori do të kthehet në arenë përplasjesh.

“Po shkojmë drejt përplasjes institucionale dhe popullore me këtë aventurë që Rama ka ndërmarrë.  30 qershori do të kthehet në një arenë përplasjesh dhe jo idesh. Përgjegjësia kryesore është e Ramës”, ka thënë Ndoka.

Kujtojmë se Opozita jashtë Parlamentit kërkon Qeveri teknika po pa Edi Ramën./CNA.al

 





Lajmet e fundit nga