Përdhunimi i të miturës në Kavajë/ Zbulohet fshehja e krimit

3 Shkurt 2019, 17:38, Aktualitet CNA

Ngjarja e Kavajës ku një e mitur u përdhunua kolektivisht në shkollë tronditi mbarë opinionin publik. Ish kryeministri Sali Berisha në një postim në rrjetet sociale ka akuzuar drejtuesit e lartë të shtetit si fajtorë të fshehjes së këtij krimi.

Sipas Berishës krimin e dinin të gjithë por nuk flisnin sespe ishte shteti i përdhunuesve.

?Shtet i përdhunuesve të Kakistokracisë!

Miq, rreth 2 muaj më parë një nxënëse përdhunohet kolektivisht nga 8 apo dhe 16 nxënës dhe jo nxënës të shkollës ?Rilindja? Kavajë. Krimin e dinin të gjithë por nuk flisnin sepse shteti ishte i përdhunuesve?,-shkruan Berisha.

Më tej Berisha akuzon të gjitha instancat përgjegjëse të cilat ishin në dijeni të këtij krimi dhe u përpoqën ta fshihnin.

?Prindërit e vajzës denoncuan krimin e shëmtuar në polici, por më kot.
Drejtori i policisë apo narkokomisari i Kavajës dhe narko policia heshti. Ata qëndruan në anën e përdhunuesve. Përdhunuesit janë tanët!
Shërbimi i inteligjencës së policisë e mori vesh dhe raportoi përdhunimin por më kot lajmi nuk kishte vlerë eprorët ishin në anën e përdhunuesve.

Shërbimi informativ Kavajë e mori vesh dhe informoi qendrën, eprorët e tij informuan ministrat e arsimit dhe rendit si dhe kryeministrin por përsëri këta qëndronin në anën e përdhunuesve. Vae Victis, Mjerë Viktima!

Drejtoresha e shkollës Deje Qarri heshti sepse edhe ajo ishte ne anën e përdhunuesve.
Vëllai i saj Ed Qarri, prokuror heshti sepse ishte në anën e përdhunuesve.
Drejtoresha e arsimit Sonila Peza heshti dhe fshehu krimin se përdhunuesit janë tanët, pra ishte në anën e përdhunuesve?,-shkruan ai.

Ish kryeministri ka rikujtuar dënimin e ish kryebashkiakut të Kavajës Elvis Rroshi i cili ishte dënuar më parë për përdhunim dhe kryeministrin Edi Rama që e mbronte pasi sipas Berishës ai nuk e quan përdhunimin krim.

?Miq, jo të gjithë këta janë vet përdhunues apo të përdhunuar por për te gjithë këta, sojin e tyre të pështirë, në shtetin e përdhunuesve, përdhunimi nuk është krim. Për sojin e tyre të fëlliqur fëmija, nderi, morali njerëzor nuk ekziston.
A nuk ishte ish kreu i bashkisë së tyre Rroshi me pesë emra i denuar per perdhunim?
A nuk ishte krye krye kreu i tyre Edvini që mbronte me krenari kryetarin e tyre të bashkisë përdhunues?A nuk u vërsul ai si kafsh kundër meje kur denoncova përdhunuesin sadist djalin e deputetit Rraja?

Pra në shtetin e përdhunuesve përdhunimi nuk është krim dhe kjo quhet kakistokraci apo rëgjimi me i keq mbi tokë. Sb?,-shkruan Sali Berisha./CNA.al