E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Nga Ligji për Teatrin tek Unaza e madhe/ Përshkallëzohet “lufta” Rama -Meta

3 Shkurt 2019, 15:07, Aktualitet CNA

Përplasja Qeveri-Presidencë, sa vjen dhe thellohet. Presidenti Ilir Meta dhe kryeministri Edi Rama, që nga koha kur ka nisur bojkoti i Opozitës, nuk po gjejnë paqe me njëri tjetrin.

Përplasja ka nisur me Ligjin për Teatrin, të cilin Meta e ktheu dy herë, ndërsa një herë ka kthyer Ligjinpër uljen e taksave për lojrat e fatit.

Më pas përplasja u vitalizua, pas vendimit të Ramën për të emëruar në krye të Ministrisë së Brendshme, Sandër Lleshaj. Meta nuk pranoi ta dekretonte me arsyetimin se ?Nuk kishte krijuar bindjen?.

Pas refuzimit, Rama e emëroi Lleshajn në postin e zv/ministrit të Brendshëm dhe e komandoi në këtë dikaster, ndërsa më pas e ridërgoi dekretin në Presidencë.

U desh që Rama ta ridërgonte emrin e Lleshajt në Presidencë dhe pas dekretimit për ta liruar nga grada e Gjeneralit, Meta firmosi dekretimin në postin e ministrit.

?Dekretimi i Sandër Lleshajt Ministër i Brendshëm, një shembull kuptimplotë i faktit se edhe kur duket, sikur krisjet janë të pariparueshme a thyerjet të pashmangshme, ka gjithmonë një rrugëzgjidhje nëse ka vullnet të mirë?, komentoi Rama, dekretimin e Lleshajt.

Por vullneti i mirë i Presidenti u zbeh, kur iu dërgua për dekretim si Ministër i Jashtëm, emri i Gent Cakajt. Me mosdekretimin e ministrit për Europën dhe Punët e Jashtme Genti Cakaj, u rikthye edhe njëherë përplasja Rama-Meta.

Debati ndërmjet tyre vijoi në distancë, por nuk pati lëshime nga asnjëra palë. Sipas Metës, Ministria e Jashtme nuk mund të kthehet në autoshkollë.

Por, kryeministri Edi Rama, u vetpropozua si Ministër i Jashtëm dhe pas dekretimit nga Meta, ai ia kaloi kompetencat Gent Cakajt.

Në këtë pika kriza mes tyre u thellua edhe më tej. Nga të dyja palët pati akuza për shkelje të Kushtetutës.

Sot, ?lufta? Rama-Meta, është rindezur. Flakët e ?luftës?, kanë si objekt banorët e Unazës së Madhe, të cilët prej më shumë se tre muaj janë hedhur në protestë.

Sot ata janë takuar me Presidentin Meta, i cili ka kërkuar anulimin e projektit të Unazës.

Pas kësaj kërkese i menjëhershëm ka qenë reagimi i kryeministrit Rama, i cili thotë se Meta, po shkel Kushtetutën duke marrë rolin e opozitarit. Të dy zyrtarët e lartë justifikohen me të njëjtën gjë, me Kushtetutën, por në fakt e vërteta duket se është krejt ndryshe dhe ka lidhje me timonin dhe tepsinë./CNA.al