web counter
LEXO PA REKLAMA!

SHKARKO APP

App Store
Google Play

Zyrat e rejat të ZRPP/ Balla jep lajmin e mirë

3 Shkurt 2019, 14:46, Aktualitet CNA

Kreu i grupit parlamentar i Partisë Socialiste, Taulant Balla së bashku me drejtorin e Përgjithshëm të Hipotekave, Valdrin Pjetrin  kanë përuruar ambientet e reja të Zyrës Vendore të Regjistrimit të Pasurive të Paluajtshme Librazhd.

Balla ka thënë sot se qytetarët do marrin një shërbim më të mirë e më cilësor.

?Qytetarët marrin shërbim më të mirë, në kohë dhe me  cilësi?-u shpreh ai.

deputeti i PS-së theksoi se kryeministri Edi Rama kanë shpallur si prioritare transformimin e shërbimeve publike, dhe rritjen e cilësisë së shërbimit ndaj qytetarëve.

?Unë gjej rastin ta falenderoj këtë iniciativë të ndërmarrë pas porosisë që dha Kryeministri, që Zyrat e Regjistrimit të Pasurive kudo në vend, të jenë zyra shërbimi siç është kjo këtu ku janë të gjitha kushtet, eleminohen radhët dhe njeriu që vjen merr përgjigje ?-tha ai.

Ndërsa, Drejtori i Përgjithshëm i Hipotekave, Valdrin Pjetri u tha banorëve se brenda datës 15 shkurt përfundon procesi i regjistrimit për çdo leje legalizimi në Bashkinë Librazhd.

?Për Zyrën Vendore të Regjistrimit të Pasurive të Paluajtshme Librazhd në bazë të planit të punës të miratuar nga zyra qendrore dhe të sjellë nga Drejtoria Rajonale këtu në Librazhd, në datë 15 shkurt përfundon procesi i regjistrimit të çdo leje legalizimi në Bashkinë Librazhd.

Më në fund qytetarët, të cilët kanë vite që presin për të marrë dokumentin e pronësisë për lejen e legalizimit, me datë 15 shkurt do të regjistrohet leja e fundit e legalizimit në Bashkinë Librazhd.

Ky është një lajm i mirë që unë dua ta ndaj sot me ju?,-deklaroi Pjetri./CNA.al





Lajmet e fundit nga