Paloka-Bolinos/ Sado që përpiqeni, nuk më ndyni dot

3 Shkurt 2019, 11:19, Aktualitet CNA

Nënkryetari i Partisë Demokratike, Edi Paloka ka reaguar ndaj lajmit të Report TV, ku thuhej se deputeti i PD-së ka përfituar pasuri në mënyrë të paligjshme.

Në një postim në rrjetet sociale, Paloka i është drejtuar pronarit të kësaj mediaje italianit Carlo Bollino, duke thënë se është detyruar prej shkrimit të tij që të bënte një reagim të tillë.

Ai i kujton Bollinos dhe kujtdo se të gjitëh pasurinë që posedon sot e ka trashëgimi nga i ati.

?Nuk kam folur ndonjëherë për babanë tim sepse as ai nuk do e kërkonte një gjë të tillë, por jam i detyruar prej Carlo Bollinos, i cili kërkon të justifikojë me një shënim të djeshëm, spekulimin në gazetën e tij me gjoja padijen e tij për babanë tim që e quan ?pensionist? me aq shumë para.

Meqë e pranon vetë se ka mbi 20 vjet që më njeh, si ?profesionist?, minimalisht ai e di që duhej të më pyeste mua për ato që e ?çudisnin? dhe mos spekulonte për t?i shërbyer shefit të tij politik.

Po mund të kishte pyetur dhe dhjetëra kolegë gazetarë sportiv që prej atij ?pensionistit? janë vlerësuar për vite me radhë, me një çmim dinjitoz si çmimi ?Anton Mazreku?, apo shkrimtarë të rinj me çmimin ?Zef Serembe?.?-thotë ai.

Më tej, Paloka thekson se po të kishte pyetur, Bollino do të kishte mësuar se babai i demokratit ka ndihmuar edhe njerëz të tjerë. Madje në vijim ai thekson se për këtë gjë është nderuar me çmim në Itali.

?Po të pyeste, Bollino do mësonte se ai ?pensionisti? nuk ka ndihmuar vetëm të birin, po dhe dhjetëra njerëz në nevojë. Vetëm spitalit të Laçit, qarkut ku unë do bëhesha deputet më pas, i kanë shkuar si ndihma në pajisje të reja prej atij ?pensionistit? gati 200 mijë euro. Mijëra euro janë investuar me ndërmjetësimin e tij dhe nga bashkëkombas të Bollinos, në Universitetin Politeknik apo atë Bujqësor. Prej atij ?pensionistit? janë ndërtuar shkolla në Kosovë e ndihmuar institucione arsimore shqiptare në Maqedoni, etj, etj që ai nuk ka dashur të përmenden kurrë, por prapë Bollino mund t?i gjente në faqe gazetash.?-shprehet ai.

Deputeti PD-së thekson se në ndërsa ai ka humbur pasuri gjatë kohës që është marrë me politike, ?Rilindasit? e Bollinës që hynë me duar në xhepa tashmë janë bërë milionerë.

?Kështu që mos u përpiq të justifikohesh me ?habinë? ti që nuk je ?habitur? se si shefi yt që hyri në politike (siç ka deklaruar vetë) me 3 mijë euro sot është shpallur nga OSBE me një pasuri të paktën prej 200 milion eurosh. Ti që vazhdon të mbrosh në mënyrë të turpshme Ramën pas çdo skandali që i plas. Ti që ditën kur Zëri Amerikës zbulon se si mafia ka vjedhur zgjedhjet në Shqipëri, mbush faqet e gazetave me mua…

E shkruajta dhe më parë; për fat të keq , unë duhet të jem i vetmi në politikë që i ka pakësuar ?pasuritë? që më janë lënë trashëgim, ndryshe nga ata që kane hyrë me duar në xhepa në politikë dhe sot janë milionerë vetëm duke vjedhur.?-shprehet ai.

Paloka, shtoi ndër të tjera se Carlo Bollino, e pakta duhej t?i kishte kërkuar ndjesë për spekulimet e pabaza që ka bërë.

?Prandaj, minimalisht duhej të kërkojë falje, në vend që të justifikoheshe. Ajo që bëre ishte spekulim i qëllimshëm Carlo Bollino dhe jo një pasqyrim ?i pafajshëm? i deklaratave të mia të pasurisë. Po dhe një herë, të jesh i bindur që as ti e askush tjetër, sado të përpiqeni, nuk do me ndyni dot. Nuk jemi e nuk do të jemi kurrë njësoj me ?rilindasit? e tu.

Këtu ke dhe momente kur im atë, ?pensionisti? (që punoi deri ditët e tij të fundit), është dekoruar nga Rotary Club në vendin tënd Bollino( ti e di çfarë përfaqëson Rotary Club) dhe nuk e kanë dekoruar si ?pensionistin e vitit?, por për kontributin e tij. Tek foto tjetër është vlerësuar me çmim (që i është dhënë në këtë rast nga Presidenti Meidani )për kontributin e dhënë në disa investime të bëra në UB. Me kaq e mbyll komunikimin publik me ty.?-mbyll shkrimin deputeti i PD-së./CNA.al