web counter
LEXO PA REKLAMA!

SHKARKO APP

App Store
Google Play

E fundit!

x

Ish-sigurimsi në KLP/ Gent Ibrahimi thellon skandalin

3 Shkurt 2019, 10:51, Aktualitet CNA

Në Këshillin e Lartë të Prokurorisë bën pjesë dhe një ish-bashkëpuëntor i Sigurimit të Shtetit.

Fillimisht ishte PD që publikoi dokumentin zyrtar, më të cilën provon se anëtari i Këshillit të Lartë të Prokurorisë, Bujar Sheshi, është ish-sigurims.

Më pas një gjë e tillë u konfirmua zyrtarisht edhe nga Autoriteti për Informim mbi Dokumentet e ish-Sigurimit të Shtetit.

Sipas të njëjtit institucion Bujar Sheshi ka qenë bashkëpunëtor që në moshën 18-vjeçare.

Një konfirmim i tillë do të thotë se Sheshi është zgjedhur në kundërshtim me Ligjin, anëtar i KLP-së, i cili ka kusht pakonkueshmërie qenien bashkëpunëtorë.

?Të mos kenë qenë anëtarë, bashkëpunëtorë ose të favorizuar të ish-Sigurimit të Shtetit para 2 korrikut 1991 në kuptimin e ligjit ?Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë?, thuhet në neni 105 të  Ligjit Nr. 115/2016.

Ky Ligj nuk është respektuar dhe skandali vijon të thellohet më tej, pasi Sheshi është ende pjesë e KLP-së.

Eshtë fakt që nuk ka Ligj për çfarë shkeljesh disiplinore, apo si procedohet një anëtar i KLP.

Nga Gjykata  Kushtetuese janë shfuqizuar dispozitat e Ligjit 115/2016 që rregullonin këtë proces. Konkretisht neni 5 dhe neni 103  janë shfuqizuar tërësisht.

Pyetja shtrohet se kur duhet vendosur përjashtimi nga KLP për Bujar Sheshin dhe kush i ka kompetencat ta bëjë këtë vëprim?

?Këshilli është në pritje të shterimit të procedurave ankimore nga zoti Sheshi dhe vetëm në përfundim të këtyre procedurave do të merret një vendim në lidhje me vendimin që na ka mberritur nga Autoriteti i Informimit të dosjeve?, ka thënë së fundmi kreu i KLP Gent Ibrahimi.

Por, nëse Bujar Sheshi duhet shkarkuar në moment, apo duhet pritur ose jo afatet e ankimimit, këtë e vendos KLP e mbledhur.  Nuk mund ta vendosë Genti Ibrahimi  i vetëm, siç  po bën aktualisht, duke mos e futur në rend dite shqyrtimin e rastit të bërë public, prej më shumë një jave.

Përse duhet të zvarritet kjo çështje, derisa bie ndesh me ligjin sa i përket mënyrës se si është zgjedhur.

Por, kur s?merr dot masa KLP, fajin e ka politika, ndërsa kur është fjala për t?u mbledhur dhe vendosur sipas Ligjit, këtë gjë e vendos Gent Ibrahimi.

Apo Gent Ibrahimit, i cili është një ndër autorët e paketës së reformës në drejtësi, nuk i shkon për shtat zbatimi i ligjit.

Pasi bashkë me të tjerë ka minuar reformën në drejtësi dhe së fundmi  i ka vënë firmën e dështimit edhe Këshillit të Lartë të Prokurorisë.

Autoriteti i dosjeve ka dalë me vendim, për Bujar Sheshin, si ish-bashkëpunëtor i sigurimit, por Ibrahimi nuk e mbledh KLP ?në, që ta shkarkojë, duke e thelluar kështu më tej skandalin./CNA.al

Skandal me reformën në drejtësi/ Ish-kunati i i ministres minon KLP

 

 

 





Lajmet e fundit nga