web counter
LEXO PA REKLAMA!

SHKARKO APP

App Store
Google Play

E fundit!

x

Ministri i vendimeve qesharake/ Si përfitoi bursë 7500 euro vajza e Lleshajt?

3 Shkurt 2019, 09:24, Aktualitet CNA

Sandër Lleshaj erdhi në krye të Ministrisë së Brendshme pas dorëheqjes së Fatmir Xhafajt, me 27 Tetor 2018.

Fillimisht Lleshaj si Ministër nuk u pranua nga Presidenti Ilir Meta.

Në njoftimin e Presidencës, u tha, se Meta nuk është bindur për kandidaturën e Lleshajt si Ministër i Brendshëm, ndërkohë kryeministri  Edi Rama, e emëroi si zëvendës Ministër të parë.

Pasi qëndroi dy javë në rolin e zëvendësministrit,  me 16 Nëntor 2018  Meta u ?tërhoq? dhe e dekretoi Lleshajn Ministër të Brendshëm.

Dekretimi erdhi pas lirimit nga detyra e Lleshajt si gjeneral brigade dhe vetëm pak orë para skadimit të afatit Kushtetues.

Gjatë kohës që Lleshaj ishte shndërruar në pinpong mes kryeministrit  Edi Rama dhe Presidentit Ilir Meta, ai mori disa vendime, të cilat u konsideruan qesharake.

Pas urdhërit që ndalonte  punonjësit të frekuentonin ambientet e jashtme të institucionit gjatë orëve të punës, me 9 Nëntor 2018, Lleshaj nxori një tjetër urdhër.

Lleshaj urdhëroi që ?Policët mbi peshë dhe me bark nuk do kryenin shërbim në vende të dukshme?.

Në një urdhëresë me 19 pika për etikën e punonjësve të Policisë së Shtetit, në pikën 8, thuhej ?se punonjësit e policisë mbipeshë të cilët në dokument quhen “barkdërra” do bëjnë shërbim vetëm në vende të padukshme, kjo për të mbajtur larg syrit të opinionit publik, paraqitjen jo estetike të tyre?.

Këto urdhëresa qesharake dhe fyese, janë pasuar më tej me shmangien e Ministrit nga ngjarjet e rënda që kanë ndodhur së fundmi.

Në një dalje publike, gjatë aktiviteteve në përvjetorin e 106 të Policisë së Shtetit, Lleshaj ?ngriu? para mediave. Për mjaft raste të rënda nuk mundi të përgjigjej.

Ai u shfaq rëndë,para gazetarëve njëjtë si Prokurorja e Përgjithshme e përkohshme Arta Marku, në të vetmen intervistë që ka dhënë për mediat.

?Kjo pyetje është e gjatë, ka tre pjesë?. Kjo ishte një prej përgjigjeve që  Lleshaj i dha gazetarëve.

Ai tha se policia po sulmohet nga politika, por që ata s?kanë ndërmend t?i përgjigjen. Lleshaj harroi se vetë mbart pozicion politik dhe së fundmi ka rikthyer në detyrë emra të rëndësishëm të Policisë që ishin larguar nga paraardhësit e tij.

Kjo sa i përket aspektit profesional, ndërsa në atë pasuror Lleshaj rezulton se burimet kryesore i ka nga të ardhurat nga paga.

CNA.al do të sjellë pasurinë e Ministrit të Brendshëm Sandër Lleshaj, ku vërehet edhe pse ka llogari të konsiderueshme bankare, vajza e tij ka përfituar një bursë 7 500 euro në Gjermani.

Në vitin 2013, Lleshaj ka deklarur bursën e vajzës më shumën 2 250 euro, ndërsa në 2014, sipas tij bursa e vajzës shkon në vlerën 7500 euro.

Nuk dihet se si ka arritur ta marrë këtë bursë vajza e Lleshajt, ndërkohë që tashmë është dhënë alarmi se është abuzuar me dhënien e bursave.  Pasi iu janë dhënë fëmijëve të politikanëve , apo të stafit të Universiteteve dhe jo atyre që e meritojnë.

Pasuria e deklaruar ndër vite, sipas të dhënave të marra nga Open Spending Albania.

Në deklaratën fillestare të vitit 2006 rezulton se Lleshaj në pozicionin e Komandatit të komandës së Doktrinës dhe stërvitjes  ka llogari rrjedhëse në shumën 8 mijë euro dhe 60 000 lekë.

Ndërsa në deklaratën vjetore të 2006 ka treguar se ka të ardhurat nga paga në shumën 63 444 lekë, të ardhura nga paga e gruas në shumën 17 000 lekë,

Në vitin 2007 ai ka deklaruar dy llogari rrjedhëse në vlerat 5 300 euro dhe 450 000 lekë, të ardhurat nga paga e tij dhe e bashkëshortes si dhe një kredi për shtëpi në shumën 120 0000 lekë.

Në vitin 2008 ai ka deklaruar llogari rrjedhëse në shumën 750 000 lekë, gjendje cash 5 500 euro, gjendje në cash 4 800 000 lekë, të ardhurat nga paga e tij dhe e bashkëshortes, një kredi prej 5 000 000 lekë për shtëpi marrë nëpërmjet Ministrisë së Mbrojtjes.

Në vitin 2009 ai ka deklaruar llogari rrjedhëse në shumën 980 000 lekë,  gjendje cash 6 000 euro, makinë për bashkëshorten në shumën 200 000 lekë. Në total të ardhurat vjetore janë 136 3356 lekë.

Në vitin 2010 ai ka deklaruar se në total të ardhurat familjare shkojnë në shumën 1852000 lekë.

Në vitin 2011 ai ka deklaruar një llogari rrjedhëse në shumën 20 000 lekë si dhe të ardhurat nga paga e tij dhe e bashkëshortes, Në total të ardhurat vjetore i shkojnë 1 800 000 lekë.

Në vitin 2012 ai ka deklaruar llogari rrjedhëse në shumën 30 000 lekë, dhe të ardhurat nga paga. Në total të ardhurat vjetore shkojnë në 1 812 000 lekë.

Në deklaratën fillestare të vitit 2013 ai ka deklaruar, gjendje në llogarinë rrjedhëse  980 000 lekë si dhe pagat. Nuk ka shtim të pasurisë, krahasuar me vitet e mëparshme.

Në vitin 2013, në kohën që ai është emëruar këshilltar i Kryeministrit për Sigurinë,  ai ka deklaruar gjendje në llogarinë rrjedhëse në shumën 320 000 lekë, gjendje cash në shumën e kredisë 4 800 000 lekë, makinë të bashkëshortes në shumën 200 000 lekë, gjendje ne cash 6 000 euro, të ardhura nga paga në shumën 420 000 lekë, të ardhura nga paga e bashkëshortes 165 000 lekë, të ardhura nga bursa e vajzës në shumën 2 250 euro. Gjithashtu ka deklaruar dy kreditë, njërën prej  5 000 000 të marrë nëpërmjet Ministrisë për Mbrojtjes për banesë dhe tjetrën në shumën 18 550 euro, të marrë në vitin 2010, për të blerë një makinë Honda CRV.

Në vitin 2014 ai ka deklaruar gjendje në llogarinë rrjedhëse të pagave në shumën 450 000 lekë, makinë Honda me vlerë 15 000 euro, makina e bashkëshortes 200 000 lekë, gjendje cash 500 euro si dhe të ardhura nga pagat e tij dhe të bashkëshortes dhe bursa e vajzës në Gjermani në shumën 7500 euro.

Në vitin 2015 ai ka deklaruar gjendje cash 750 000 lekë, ka shitur makinë e gruas 150 000 lekë, gjendje cash 1000 euro.

Në vitin 2016 ai ka deklaruar gjendja në llogarinë rrjedhëse në shumën 3 265 467 lekë, gjendje cash në 1500 euro,të ardhura nga paga e tij në shumën e 1 461 144 lekë, të ardhura nga pensioni i parakohshëm si ushtarak në shumën 144 000 lekë, të ardhura nga paga e bashkëshortes në shumën 636 000 lekë.

Në vitin 2017 ai ka deklaruar gjendje në llogarinë rrjedhëse të pagave në shumën  3 549 538 lekë, gjendje cash në vlerën 2 200 000 lekë, makinën Honda nga 15 mijë euro e ka deklaruar 14 mijë euro, gjendje cash 2000 euro si dhe të ardhurat nga pagat./CNA.al

Lleshi merr vendimin drastik/ Zbulohet urdhëri për ?policët barkderra?

Lleshi letër drejtueseve të policisë/ Merrni masa urgjente për djegien e mbeturinave

Krimi trondit Elbasanin/ Sandër Lleshaj ?kyç? gojën





Lajmet e fundit nga