E fundit!

09:23 Aktualitet

Zbatimi i Aministisë Penale/ Dhjetëra të dënuar lënë burgjet në Korçë

Ka nisur zbatimi i Amnistisë Penale në institucionet e vua...

Festa lokale e pijes së verës/ Klosi: Të rrisim turizmin në Prespë

3 Shkurt 2019, 14:34, Aktualitet CNA

Dita e pijes së verës dhe produkteve tradicionale lokale mblodhën qytetarët në një atmosferë të jashtëzakonshme mes këngësh e vallesh. Pjesëmarrje e jashtëzakonshme jo vetëm nga qytetarë të zonës, por edhe të tjerë që shijuan një fundjavë ndryshe, ku u njohën edhe me produktet tradicionale lokale. Për të kulmuar me shpalljen e disa çmimeve, për gatimin më të mirë të zonës, për verën më të mirë të prodhuar nga vendasit si edhe për fotografinë më të mirë në liqenin e Prespës.

?Ne jemi sot në Prespë për t?i dhënë shumë më tepër entuziazëm të gjithë projektit tonë të festave lokale, të organizuara këtë vit pothuajse në 100 fshatrat të përzgjedhur si fshatrat e parë të transformimit rural të vendit, por duke i bashkuar edhe me agroturizmin. Ajo çfarë ne synojmë gjatë realizimit të këtyre festave është që shumë më tepër turistë të vizitojnë Prespën, shumë më tepër konsumatorë të produkteve lokale, të produkteve tradicionale, shumë më tepër konsumatorë të bukurive natyrore, shumë më tepër biznes, shumë më tepër mirëqënie, punësim dhe ekonomi për banorët e Pustecit dhe zonave rurale, ky është objektivi që ne i kemi vënë vetes?,- tha ministri Klosi.

Për ministrin, festat lokale vijnë në zbatim të planit 365 ditor të masave për një turizëm më të qëndrueshëm dhe më cilësorë. Me në focus, promovimin e vlerave të liqenit, kombinuar me vlerat e trashëgimisë kulturore dhe me traditën e një feste lokale, për ta shndërruar Shqipërinë në një magnet për më shumë ekonomi.

?Në qoftë se nuk e kuptojmë që edhe këtu në Pustec duhet të shtojmë informacionet turistike, duhet të përgatisim guidat e vërteta turistike që shoqërojnë tursitët, qoftë në zonën rurale apo të malit, ashtu edhe në zonën e liqenit, në qoftë se nuk e kuptojmë që kemi nevojë me shpejtësi për disa pika të vërteta agroturizmi. Kemi filluar të japim ndihmën financiare duke reduktuar kostot e operimit, pra kemi ulur TVSH-në, e kemi bërë 5% dhe Tatim Fitimin po 5%, duke dhënë po të njëjtin status që kanë hotelet me 5 yje biznet dhe agrobiznesi lokal. Dhe duke i dhënë të gjitha këto, ne kërkojmë që të rrisim prodhimin e brendshëm dhe local?,-u shpreh ministri ai gjatë festës lokale të pijes së verës, ku dha edhe një çmim të rëndësishëm për një vajzë të re, ajo e cila kishte arritur ta fotografonte aq bukur liqenin e Prespës.

Fjala e plotë ministrit Blendi Klosi:

Ministria e Turizmit gjatë gjithë sezonit turistik të vitit të kaluar pro tashmë që në fillim të muajit shkurt kemi filluar që festat lokale kudo në Shqipëri, festat e traditës, festat që mbledhin shumë njerëz nga zonat ku realizohen , që shndërrohen në kulme të turizmit shqiptar. Ne jemi sot në Prespë për t?i dhënë shumë më tepër entuziazëm të gjithë projektit tonë të festave lokale, të organizuara këtë vit pothuajse në 100 fshatrat të përzgjedhur si fshatrat e parë të transformimit rural të vendit, por duke i bashkuar edhe me agroturizmin. Ajo çfarë ne synojmë gjatë realizimit të këtyre festave është që shumë më tepër turistë të vizitojnë Prespën, shumë më tepër konsumatorë të produkteve lokale, të produkteve tradicionale, shumë më tepër konsumatorë të bukurive natyrore, shumë më tepër biznes, shumë më tepër mirëqënie, punësim dhe ekonomi për banorët e Pustecit dhe zonave rurale, ky është objektivi që ne i kemi vënë vetes. Shqipëria do të jetë e suksesshme si destinacion turistik, jo vetëm duke ofruar detin dhe rërën gjatë sezonit të verës, por edhe duke kombinuar vlerat si vlerat e Prespës apo Pustecit edhe gjatë stinës së dimrit, apo duke i kombinuar me vlerat e Alpeve, duke i kombinuar me vlerat e Dibrës, Beratit, duke e shndërruar të gjithë Shqipërinë në një destinacion me vlera turistike lokale. Ne na duhet qe te gjithe se bashku të ndërtojmë hartën dhe arsyet pse turistët e huaj duhet të vijnë në Shqipëri në 365 ditë të vitit. Ne sot jemi brenda kuadrit tonë të 365 masave për të përcaktuar shqipërinë si destinacion turistik, duke promovuar vlerat e liqenit, kombinuar me vlerat e trashëgimisë kulturore, me traditën e një feste lokale dhe duke shndërruar të gjthë këtë në një magnet për më shumë ekonomi. Në qoftë se nuk e kuptojmë që turizmi është ekonomi, Në qoftë se nuk e kuptojmë që edhe këtu në Pustec duhet të shtojmë informacionet turistike, duhet të përgatisim guidat e vërteta turistike që shoqërojnë tursitët, qoftë në zonën rurale apo të malit, ashtu edhe në zonën e liqenit, në qoftë se nuk e kuptojmë që kemi nevojë me shpejtësi për disa pika të vërteta agroturizmi. Jo me fjalë, por me vepra kanë filluar të marrin mbështetje buxhetore, Jo me fjalë por me vepra kemi filluar të japim ndihmën financiare duke reduktuar kostot e operimit, pra kemi ulur tvsh-në e kemi bërë në 5 përqind dhe tatim fitimin po 5 përqind duke dhënë po të njëjtin status që kanë hotelet me 5 yje biznet dhe agrobiznesit lokal. Dhe duke i dhënë të gjitha këto ne kërkojmë që të rrisim prodhimin e brendshëm dhe lokal.

Festa vitin tjetër do të jetë shumë e mirë se këtë vit në qoftë se këta prodhues të vegjël apo ata që ofrojnë bujtinën e tyre do e kuptojnë që ka biznes dhe kur ka biznes padyshim gjërat ecin më shumë përpara. Unë mendoj që projekti i kooperacionit gjerman këtu do të jetë një sukses i garantuar pasi historia e dëshmon këtë, bukuria natyrore e zonës dhe qenia e Prespës si shumë pak liqene në botë që lagen nga tre shtete e bënë këtë një pikë kulmore turistike, ambjentale dhe padyshim një vlerë të shtuar të gjerdanit të vlerave tona kombëtare.