Zbulohet skandali i radhës/ Veliaj pjesë e kompanive offshore

3 Shkurt 2019, 15:05, Aktualitet CNA

Zëdhënësja e Partisë Demokratike Ina Zhuka në një postim në rrjetet sociale ka sulmuar kryebashkiakun e Tiranës Erion Veliaj në lidhje me parkingjet publike të Tiranës.

Sipas Zhukës, Veliaj e ka përcaktuar se cila do të jetë kompania fituese e tenderit të parkingjeve dhe do të rritet kështu edhe pagesa e parkingut.

?Veliaj nuk i ndahet offshoreve!!! Ja kush është i paracaktuari i Veliajt për ti dhënë parkingjet publike të Tiranës!

Bashkia Tiranë nëpërmjet shoqërisë ?Tirana Parking? administron shërbimin e Parkimit Publik me Pagesë në disa rrugë dhe hapësira publike të Tiranës. Aktualisht pagesat per parkingun ne rruget e Tiranës kryhen me ane te sistemit me sms dhe me punonjës të bashkisë. Në mbledhjen e fundit të këshillit bashkiak u vendos dhënia tek një privat për të rritur format e pagesës dhe sigurisht edhe pagesën?,-shkruan Zhuka.

Ajo ka zbardhur dokumente ku fituesi është përzgjedhur edhe pse duhet të hapet një procedurë konkurimi.

?Sipas vendimit, Tirana Parking duhet të hap procedurën konkuruese për përzgjedhjen e fituesit. Ndërkohë fituesi mesa duket është paracaktuar nga Veliaj muaj më parë.

Mesa duket fituesi do jetë kompania: Pay and Go shpk, regjistruar në shkurt 2015, si shoqëri e krijuar nga shoqëria ?UNTAG COMMUNITY?, me seli në Angli dhe Uells në pronësi të një gjeorgjiani, e cila rezulton të jetë një kompani OFFSHORE e rregjistruar në parajsa fiskale?,-vijon më tej zëdhënësja e PD.

Sipas saj bashkia ka nisur të vendosë tabela informuese se mund të paguhet edhe pranë automatëve të pagesave të ?Pay and Go Albania?.

?Bashkia ka nisur të vendos tabela informuese pranë automateve të pagesave ?Pay and Go Albania? që janë te vendosur ne rruget e Tiranes ku ne tabela shkruhet ? Mund te paguash edhe ketu? (bashkengjitur Foto) Nga verifikimi ne disa rruge kryesore te Tiranes ku ofrohet pakingu me pagesë konstatohet qe kompania ka pergatitur infrastrukturen e nevojshme per te ofruar kete sherbim edhe pse nuk ka akoma asnje vendimarrje nga Bashkia Tirane për hapjen e konkurrimit për kompaninë që duhet ta fitonte këtë shërbim.

Paracaktim fituesi dhe kompani offshore binomi i pandarë i menaxhimit nga Erioni Betoni të qytetit të Tiranës?,-përfundon shkrimin e saj Zhuka./CNA.al