E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Abuzimi me të miturën/ Sindikata kërkon shkarkimin e zyrtarëve të arsimit

3 Shkurt 2019, 18:38, Aktualitet CNA

Konfederata e Sindikatave të Shqipërisë ka reaguar në lidheje me abuzimin seksual të nxënëses 14-vjeçare nga 12 bashkëmoshatarë të saj. KSSH kërkon të shkarkohen drejtuesit e Zyrës Arsimit në Kavajë.

?Një nxënëse 14 vjeçare në një shkollë ? nentevjeçare në qytetin e Kavajës prej 4 muajsh ishte pre e abuzimit seksual nga 12 shokë të shkollës, ndërsa ngjarja është marrë vesh vetëm pas denoncimit në polici nga 14- vjeçarja pak ditë më parë.

Kjo ngjarje e rëndë është tregues i qartë i mungesës së përgjegjësisë nga ana e drejtuesve të kësaj shkollë, pasi nxënësit e shkollës kanë qenë në dijeni të këtij skandali.

E mitura shantazhohej përmes një videoje intime dhe ajo video qarkullonte në telefonat e nxënësve dhe asnjë mësues dhe psikologët e shkollën nuk e kanë zbuluar këtë skandal.

Nëse e kanë zbuluar dhe kanë mbajtur të fshehtë at?herë mësuesit duhet të vihen përpara përgjegjësisë ligjore.

Konfederata e Sindikatave të Shqipërisë i kërkon Ministrisë Arsimit të shkarkojë urgjent Drejtoreshën e Shkollës ?Rilindja? dhe drejtuesen e Zyrës Arsimore Kavajë?,-shkruan KSSH.

Dipas tyre ministria e Arsimit duhet të nisë një hetim serioz në mënyrë që një ngjarje e tillë të mos përsëritet. Ata ofrojnë mbështetjen e plotë për të ndryshuar arsimin dhe kërkojnë gjithashtu që psikologët nëpër shkolla të jenë më fiktivë.

?Ministria e Arsimit duhet të nisë një hetim serioz administrativ,për këtë rast të rëndë në mënyrë që të mos përsëritet.

Në shkolla mungojnë psikologët teksa disa mësues pa asnjë lloj kualifikimi veç teserës partisë dhe kualifikimeve në shoqata anonimë OJF-sh marrin guximin të kryejnë edhe rolin e psikologut vetëm për të mbajtur vendin e punës. Ata janë tërësisht jashtë profilit pasi psikologun e bëjnë mësuesit e fiskulturës , vizatimit apo muzikës. Pjesa dermuese e psikologeve nuk jane certifikuar si mesimdhenes,kjo e ben te pamundur misionin e tyre.

Për pasojë ata çedojnë në punën e tyre e nuk janë të aftë të fitojnë besimin e nxënësve në mënyrë që këta të fundit të mund tu besojnë.

Kthimi i shkollave në qendra komunikate mbeti një fasadë, e kjo ngjarje rëndë është vetëm një fakt.

Ky rast vjen pasi drejtuesit e shkollave akoma nuk po zgjidhen përmes meritës, por përmes teserës partisë apo farefisnise.

Dinjiteti i mësuesit është nëpërkëmbur si pasojë e mungesës së kontratës kolektive, e cila është realizuar fiktivisht me disa pseudo sindikata që drejtohen nga pensionistë apo kapterre ushtrie e ish.punonjes sherbimit informativ pa asnje lidhje me arsimtaret vetem se poi zhvasin arsimtarët dhe shkatrrojne ne thelb mardhenjet e parneritetit social ne arsim.

Ministria e Arsimit duhet të ndërpresë çdo bashkëpunim me OJF-të që po zhvasin paratë e shqiptarëve në kuadër të ndërgjegjësimit dhe punës për përmirësimin e cilësisë arsimit,eleminimin e brakisjes shkolles,mbrojen e femijve nga format negative te abuzimit etj.

Këto shoqata organizojnë vetëm trajnime në hotele e klube dhe party e kurrë nuk zbresin në terren për të parë nga afër problemet më të cilat përballen nxënësit e mësuesit e çdo ditë.

Përfaqësuesit e këtyre shoqatave organizojnë edhe tryeza me politikanë ku servilosen këtyre të fundit për të kapur ndonjë projekt dhe nuk i ballafaqojnë me faktet reale se ku është katandisur arsimi në Shqipëri.

Sot shumë politikanë të opozitës do bëjnë sikur ka ndodhur ndonjë tragjedi pasi harrojnë se në këtë panoramë që është arsimi sot kanë meritën e tyre.

Lotët e krokodilit duhet ti lëmë mënjëanë sot e të vihemi në lëvizje të përmirësojmë arsimin.

Arsimi në Shqipëri është në gjendje alarmante dhe ministrja e re duhet ti lërë lavdërimet e profesorëve të saj dhe të ngrejë një grup punë për të mbajtur shënim problemet dhe të ulet me të gjithë aktorët për të gjetur zgjidhjet.

Ne si Konfederata e Sindikatave të Shqipërisë i ofrojmë të gjithë mbeshtetjen dhe solidaritetin ,ekspertizen tonë në kuadër të një program për të nxjerrë arsimin nga kjo situatë e vështirë. Prioriteti jonë janë dinjiteti i arsimtarit, cilësia e mësimdhënies dhe rezultatet pozitive të nxënësve?,-thuhet në deklaratën e KSSH-së./CNA.al