E fundit!

12:31 Politikë

Rama në Poloni: Rindërtimi i Ukrainës dhe integrimi i BP në BE, procese që përforcojnë njëri-tjetrin

Kryeministri Edi Rama ka mbajtur fjalën e tij në Konferenc...

Pjesë e klanit të Arta Markut?/ Prokurori-“biznesmen” në SPAK

3 Shkurt 2019, 14:08, Aktualitet CNA

Kur ka mbetur dhe një javë nga skadimi i afatit për garën e SPAK, ende nuk është plotësuar numri i kandidatëve për këtë strukturë.

Sipas Këshillit të Lartë të Prokurorisë, deri më tani kanë aplikuar Klodian Braho, Besnik Muçi, Anton Martini, Eneid Nakuçi, Doloreza Musabelliu, Edvin Kondili, Vladimir Mara, Dritan Premçi, Arben Kraja, Eugen Beci dhe Shkëlzen Cena.

CNA.al, ashtu siç ka raportuar për subjektet që kalojnë në Vetting, do të kalojë në filtër dhe kandidatët për SPAK-un.

Disa prej kandidatëve për SPAK, tashmë e kanë kaluar Vettingun. Një nga ta është edhe prokurori Krimeve të Rënda Besnik Muçi, i cili njëherësh është edhe anëtar i KLP ?së.

Kujtojmë se Muçi pak kohë më parë tentoi të ulej në karrigen e Adriatik Llallës, por u skualifikua, për mosplotësim të vjetërsisë 15 vjeçare në radhët e prokurorëve. Por, tashmë që lakohet edhe Arta Marku si kandidate për Prokuror të Përgjithshëm, Muçi duket se ka hequr dorë nga ambicja për këtë post. Kjo dorëheqje vjen pas miqësisë që ka me Markun. Të paktën kështu është përfolur në media.

Gjatë kohës që prokurori shfaqi ambicien për të drejtuar organin e akuzës, në media u lakua edhe për pasurinë e tij.

Nga pasuria që ka deklaruar Muçi qëndron në rangun e një biznesmeni të një agjencie imobiliare.

Sipas mediave në vitin 2003, Muçi deklaronte një pagë vjetore prej 772 mijë lekësh si prokuror i Tiranës. Ndërsa 4 vite më pas ai kishte deklaruar në ILDKPI dhe pronat e tij, të cilat janë një shtëpi banimi prej 57 metrash katrorë, 400 metra tokë truall në Pogradec marrë nga shteti dhe 200 metra të tjerë tokë bujqësore përfituar nga ligji 7501 po në Pogradec.

Në vitin 2009 Muçi kishte deklaruar dhe shtesën e nisur prej 25 metrash në pallatin ku ai jeton.

Në vitin 2013, Besnik Muçi e ka shtuar pasurinë e tij me blerjen e pasurive të paluajtshme. Pas tokës truall e asaj bujqësore në Pogradec ai ka blerë një tjetër tokë bujqësore, por në Tiranë, në zonën e Shkozës. Vlera e saj shkon në 111 600 lekë. Muçi në vitin 2015 i është rikthyer sërish Pogradecit ku ka blerë një tjetër tokë arë prej 2 mijë metrash katrorë.

Në raportimin e deklarimit të pasurisë, nga mediat, emri i Prokurorit Besnik Muçi u lidh me emrin e Orest Sotës, i cili u ndalua nga Policia në nëntor të vitit 2017.

Të ardhurat e Besnik Muçit nga puna si Prokuror i Krimeve të Rënda shkojnë në 1 milionë e 440 mijë lekë në vit, ndërkaq ai ka deklaruar se ka dhe një detyrim prej 21 mijë eurosh pranë shoqërisë Arlis Shpk me përfaqësues A.Lilo. Ky i fundit ishte pronari i mjetit me të cilin udhëtonte Orest Sota. Pretendimi i Lilos ishte se automjeti i ishte shitur Sotës por nuk i ishin ndryshuar targat.

CNA.al risjellë më vëmendje pasurinë e deklaruar nga prokurori Besnik Muçi. Në vitin 2016 ai ka blerë një apartament me sipërfaqe 78 m2, me vlerë 75 mijë euro. Si burim kandidati për SPAK deklaron kursime nga të ardhurat e tij dhe të bashkëshortes, hua dhe kredi. Muçi ka blerë një makinë me vlerë 6 200 euro, me kursime nga të ardhurat. Ai në të njëjtin vit ka deklaruar shtëpi banimi, me sipërfaqe 57 m2, blerë në vitin 2015, me vlerë 1 900 000 lekë, tokë truall 400 m 2, në vitin 2005, vresht në Pogradec, ka blerë tokë në Shkozë, për 11 600 lekë, në vitin 2013 etj/CNA.al.

Zbardhet lidhja e prokurorit me Orest Sotën/ Pasuria nxjerr “zbuluar” Besnik Muçën e Krimeve të Rënda

Prokuror i Krimeve të Rënda apo biznesmen?/ Besnik Muçi nuk e di, sa pasuri ka