Ka rilindur Agron Gjekmarkaj/ Dje e akuzonte sot avokat i Bashës

28 Janar 2019, 17:45, Aktualitet CNA

Analisti dhe profesori Agron Gjekmarkaj, i cili nuk i ka fshehur kurrë pikëpamjet politike ka bërë një rrotullim 180 gradë sa i përket këndëvshtrimit mbi rolin politik të kreut të PD ?së Lulzim Basha.

Nga një kritik i madh i Bashës ai është shndërruar në një nga mbështetësit e tij, sa hap dhe mbyll sytë.

Sot, me datë 28 janar në një intervistë për një të përditshme, Gjekmarkaj i thur lavde Bashës. A thua se po flet për një perzonazh të politikës nga shqiptarët.

?Ka disa muaj që unë i kam lënë mënjanë kritikat ndaj Bashës dhe PD-së, sepse nuk janë ata problemi, nuk po qeveris Basha. Po na qeveris qeveria e Edi Ramës e po na qeveris aq keq sa nuk bëhet. Së fundmi, Basha ka shfaqur shenja reflektimi në kompozimin e sekretariatit dhe të kryesisë së re. Sekretari i Përgjithshëm, Gazment Bardhi, një jurist brilant me një logjikë të fortë politike, më duket ndryshim që duhet përgëzuar. Mund të thuhet që Kryesia e tij tanimë është normale pa spikama të mëdha intelektualiteti, por normale. Në të, PD ka disa kandidatë të mirë për ministra. Basha dhe PD e kanë jetik paktin e madh me elitën e vendit. Hapjen pa komplekse. Basha duhet t?i mundë zërat që thonë se ai nuk i duron afër personalitetet e forta. Lulzim Basha do, dhe mund të jetë, një Kryeministër normal?, është shprehur gjatë intervistës Gjekmarkaj.

Pra Luli ndryshoi se vendosi dy të preferuar të Gonit, që në fakt sjanë provuar ende. Tomori një akuzues i Lulit që iku me sharje dhe u rikthye me bekimin dhe porosinë e Lulit për ta votuar, dhe Gazi që ka vetëm një javë sekretar I përgjithshëm dhe ska bërë asnjë punë.

Pra Goni e ka vlerësimin sipas interesit të momentit, apo miqësisë të moemntit, apo takimit të momentit? Ndoshta ka takuar dhe kunatin nuk bën cudi. Berishën ka kërkuar ta takojë dhe i ka shkuar në zyrë, por aty tek soktori e ka pasur dhe kunati.

Pas këtyre qëndrimeve kontradiktore, CNA.al risjell në vëmendjen kritikun e madh Agron Gjekmarkaj, në kohën kur ai e kryqëzonte Bashën.

Kujtojmë se me 27 qershor 2017, Gjekmarkaj e ka sulmuar fort Lulzim Bashën.

?Lista e Bashës ishte e neveritshme, e fëlliqur dhe që u refuzua nga 200 mijë shqiptarë.Ai duhet të jepte dorëheqjen pasi bëri një listë personale dhe të bazuar mbi interesa financiare. Basha nuk mori përgjegjësi për humbjen por thjeshtë u justifikua?, deklaroi Gjekmarkaj për Top Channel. Ajo listë është ende ska ndryshuar asgjë.

Ndërsa me 10 mars 2018, Gjekmarkaj ka komentuar situatën në Partinë Demokratike si dhe rastin e shumëpërfolur për lobime me rusët. Në një intervistë për ?Oktapod? Gjekmarkaj ka thënë se ?ka një situatë bolente që zien në PD, dhe ai (Lulzim Basha) është përgjegjës kryesor për këtë. Kështu që është e natyrshme që të ketë shumë sulme përreth tij. Mendoj se është në një fazë që po merr sulme të merituara?. Pse i harroi sulmet Gjekmarkaj, Cfarë premtim ka marrë?

Me 23 prill 2018, sërish Gjekmarkaj e ka sulmuar Bashën, me anë të një analize mbi zhvillimet e fundit brenda Partisë Demokratike lidhur me statutin e ri.

Ai shkruante, se Basha e ka transformuar PD-në në një forcë politike personale e cila sot përballet me një krizë të thellë ku rrjedhimisht nuk jep më shpresë. Agron Gjekmarkaj ku e gjeti tani shpresën?

?Me mbledhjen e Këshillit Kombëtar për statutin mori përsipër listat, dëbimet, fshirjen e kujtesës së PD-së, marrëveshjen me Ramën, transformimin e kësaj partie në një parti të tijën. Nuk fshihet më jo Lulzim Basha. Ajo PD që kemi njohur dikur me cenet dhe virtytet e saj nuk ekziston më. Partia që u formua nga elita e vendit në dhjetor 1990, sot drejtohet nga personazhe pa spikamë publike. Shikoni estabilishmentin drejtues në krah të Bashës, kryesinë, nënkryetarët, sekretarët, grupin e tij parlamentar dhe së fundi, Këshillin e tij Kombëtar!? shkruante Gjekmarkaj në analizën e tij.

Rastet kur ai ka akuzuar dhe sulmuar Bashën janë të shumta. Por, pyetja që ngjall inters dhe që shtrohet në këtë rast është :Çfarë e ndryshoi Gonin, apo Gjekmarkaj ka Rilindur?/CNA.al