web counter
LEXO PA REKLAMA!

SHKARKO APP

App Store
Google Play

E fundit!

x

Dyfishimi i tarifave dentare/ Nisin verifikimet në klinika

28 Janar 2019, 15:54, Aktualitet CNA

Autoriteti i Konkurrencës ka lajmëruar nisjen e verifikimet për rritjen e tarifave të shërbimeve dentare.

Ku autoritet thekson se vendimi i Urdhrit të Stomatologut mund të cënojnë konkurrencën e klinikave dentare.

“Vendimi i Urdhrit të Stomatologut, mund të ketë elementë të kufizimit të konkurrencës në kuptim të nenit 4 të Ligjit 9121/2003”-shkruhet në vendimin e marrë sot nga Autoriteti i Konkurrencës.

Më tej, theksohet se nëse vërtetohet se klinika të veçanta kanë çmime që kalojnë dyshemenë dhe tavanin e vendosur nga ligji, ato do të gjobiten.

Vendimi i Autoritetit të Konkurrencë për tarifat dentare

Para disa ditësh u bë publik vendimi i Urdhrit të Stomatologëve që i urdhëronte klinikat dentare në vend të aplikojnë një listë të re me çmimet e shërbimeve dentare duke çuar edhe në dyfishim të tyre.

Ndërsa deri më tani pacientët duhet të paguanin 2,000 lekë, për një mbushje dhëmbi të gradës së dytë, tani me çmimin dysheme që ka vendosur Urdhri i Stomatologut, pacientët duhet të paguajnë 4,000 lekë, ose dyfish.

Vendimi i Urdhrit të Stomatologëve ka vendosur rritje të tarifave për rreth 13 shërbimeve dentare.

Për vizitat e pacientët (ekzaminim me sy) që deri më tani ka qenë falas, ky vendim detyronte që çmimi dysheme për këto vizita të jetë 500 lekë./CNA.al





Lajmet e fundit nga