web counter
LEXO PA REKLAMA!

SHKARKO APP

App Store
Google Play

Ndryshimi i kufijve të Kosovës/ Habit Rama

28 Janar 2019, 14:22, Aktualitet CNA

Kryeministri Edi Rama ka folur sërish për çështjen e kufijve mes Kosovës dhe Serbisë.

Në një intervistë për median gjermane Deutsche Welle Rama ka thënë se mbështet zgjidhjen më të mirë për këtë çështje.

I pyetur nëse është zhgënjyer nga qëndrimi i Kancelares gjermane, Angela Merkel për çështjen e kufijve, kreu i qeverisë është shprehur se ajo është lider vizionar, kështu që sipas tij nuk ka arsye pse të zhgënjehet

?Absolutisht nuk kam asnjë arsye që të zhgënjehem. Ajo është një mike e vërtetë e popujve të të gjithë rajonit tonë, është një lider vizionar dhe jashtëzakonisht i qartë për të ardhmen. Mbi të gjitha është një shembull fantastik lidershipi dhe një pishtarmbajtëse e vendosur e idesë sonë.?-tha ai.

Ndërsa, i pyetur se nëse pajtohet me qëndrimin e Gjermanisë se ndryshimi i kufijve vonon integrimin e vendeve të rajonit në BE, Rama është përgjigjur duke thënë se dialogu i cili duhet të finalizohet me një  marrëveshje është i domosdoshëm.

?Në këndvështrimin tim ka një proces të domosdoshëm dialogu, i cili duhet të finalizohet dhe padyshim që duhet të finalizohet në një marrëveshje historike mes Serbisë dhe Kosovës. Përsa na takon neve, ne mbështesim çdo marrëveshje që ka pa ekuivok mbështetjen e Shteteve të Bashkuara dhe BE-së. Kaq. Të tjerat pastaj janë “dokrra hini?, siç thoshte At Gjergj Fishta.?-është përgjigjur Edi Rama./CNA.al





Lajmet e fundit nga