web counter
LEXO PA REKLAMA!

SHKARKO APP

App Store
Google Play

E fundit!

x

Blofi i Arta Markut/ Kërkohet shkarkimi i Kryeprokurores

28 Janar 2019, 14:03, Aktualitet CNA

Kreu i grupit parlamentar i LSI-së, Petrit Vasili ka kërkuar sërish shkarkimin e Kryeprokurores Arta Marku.

Në një deklaratë për mediat, Vasili ka reaguar pas njoftimit të Prokurorisë së Përgjithshme në lidhje me çështjen anëtarit të KLP-së, që akuzohet si  ish-sigurims i shtetit Bujar Sheshi.

Deputeti i LSI-së ka thënë sot se në bazë të nenit 119 thuhet se kandidatët për anëtar të KLP-së duhet të mos kenë qenë pjesë e sigurimit të shtetit deri në vitin 1991.

?Prokurorja e Përgjithshme Arta Marku ka mashtruar për çështjen e Bujar Sheshit dhe mosverifikimin e Prokurorisë për këtë prokuror.

Prokurorja e Përgjithshme ka thënë se ajo ka çuar këtë kandidaturë dhe se verifikimi i dosjeve nuk është një kusht për këtë anëtarësi.

Nenit 119 thotë që në procedurat e zgjedhjes së anëtarëve të KLP-së, kandidatët duhet të plotësojnë kushtet e mëposhtme.

Pika Dh, thotë se kandidatët për KLP duhet  të mos kenë qenë anëtarë bashkëpunëtor ose të favorizuar të sigurimit të shtetit para 1991. Një kandidat që nuk e plotësonte këtë kusht duhej  të skualifikohej?-shprehet ai.

Më tej, Vasili thekson se e gjithë përgjegjësia për verifikimi e kandidatëve për anëtar të Këshillit të Lartë të Prokurorisë bie mbi Arta Markun. Ndaj sipas tij Kryeprokurorja duhet të shkarkohet menjëherë.

?Prokurorja e Përgjithshme duhet të dijë se përgjegjësia bie vetëm mbi të. Neni 109, thotë se nën përgjegjësinë e Prokurorit të Përgjithshëm administrata verifikon të dhënat e kandidatit.

Prokurorja e Përgjithshme verifikon përmbushjen e kritereve ligjore dhe në rast se nuk përmbushen këto kritere ajo njofton anëtarët e verifikimit.

Ajo pa pritur përgjigjen për këtë dosje e ka përcjellë kandidaturën për t?u votuar.

Sot Shqipëria është pa Prokurore të Përgjithshme, sepse ai që duhet të ishte roje e pakalueshme e korrupsionit dhe shkeljes së ligjit, jo vetëm që e shkel atë, por edhe mashtron. Shkarkimi i këtij prokurori duhet të kërkohet nga KLP-ja, pasi  mosmarrja e këtij veprimi nga KLP-ja e implikon atë në këtë çështje.?-deklaroi Petrit Vasili./CNA.al





Lajmet e fundit nga