web counter
LEXO PA REKLAMA!

SHKARKO APP

App Store
Google Play

E fundit!

x

Deklarata tronditëse/ Donika Prela pjesë e dosjes kriminale?

28 Janar 2019, 12:05, Aktualitet CNA

Partia Demokratike vijon të hedhë akuza të forta në drejtim të drejtueses së komanduar të Prokurorisë për Krimet e Rënda, Donika Prela.

Në një deklaratë për mediat, deputeti i PD, Enkelejd Alibeaj, është shprehur se rasti i Donika Prelës, tregon se Vettingu është vegël e pushtetit për të mbajur në detyrë gjyqtarë dhe prokurorë të korruptuar, lehtësisht të shantazhueshëm.

?Rasti i Donika Prelës tregon se vetting është vegël për të mbajtur në sistem gjyqtarë dhe prokurorë të koprruptuar. Në dosjen e Donika Prelës ka miliona lekë të pajustifikuar. Bashkëshorti akuzohet për pastrim parash. ONM bëri një përpjekje të lavdërushëm për të hedhur dritë mbi aktet e paligjshmërisë së Donika Prelës. Por, KPK është urdhëruar të mbajë një prokurore të korruptuar dhe të shantazhueshme nga politika?-tha Alibeaj.

Më tej, Alibeaj theksoi edhe dy akuza mjaft të forta ndaj Donika Prelës, ndërsa tha se ?Së pari, të konfirmojë që Donika Prela, në konflikt të hapur interesi, është takuar gjatë periudhës që ishte nën veting me anëtaren e trupës së vetingut, Valbona Sanxhaktari. Për lehtësi pune, i sugjerojmë Komisionit të Pavarur të Kualifikimit të kërkojë kamerat e Sigurisë së Prokurorisë së Krimeve të Rënda në muajt nëntor dhjetor.

Së dyti, organet e vetingut duhet t?i japin përgjigje pyetjes: a është Donika Prela pjesë e dosjes 339, e kapur në përgjim me bandën e Avdyljave duke biseduar me kreun e bandës Astrit Avdylaj? Përgjimet e dosjes 339 janë bërë në kohën kur Donika Prela drejtonte Prokurorinë e Durrësit dhe Astrit Avdylaj u arrestua për armëmbajtje pa leje, por më pas u lirua si i pafajshëm.

Komisioni i Pavarur i Kualifikimit ka përgjegjësinë të bëjë verifikim të plotë për Drejtuesen e Prokurorisë së Krimeve të Rënda. Një prokuror i korruptuar dhe me lidhje me krimin e organizuar nuk mund të japë drejtësi!

Organet e vetingut kanë përgjegjësinë të mos lejojnë që një prokurore me pasuri të pajustifikuar, e dyshuar për lidhje me krimin e organizuar të drejtojë strukturat më të rëndësishme në luftën kundër krimit të organizuar dhe korrupsionit”./ CNA.al





Lajmet e fundit nga