E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

Zbardhen detajet e takimit që u fsheh nga mediat/ Çfarë ndodhi në Universitetin e Korçës

28 Janar 2019, 10:28, Aktualitet CNA

Studentët e Universitetit Fan. S.Noli në Korçë kanë zhvilluar një takim në Amfiteatrin e Fakultetit Filologjik, ku të pranishëm ishin drejtuesit e Universitetit dhe të dy fakulteteve.

Takimi në fjalë është mbajtur i fshehtë nga mediat, por burime për CNA.al bëjnë të ditur se është folur për shkeljet dhe aferat korruptive të këtij institucioni.

CNA.al ka kontaktuar me një nga studentët pjesëmarrës në këtë takim, Hansi Kapllani, i cili tregoi se studentët kanë kryqëzuar drejtuesit e Universitetit, në lidhje me abuzimet që janë bërë në këtë institucion, duke i përballur me fakte dhe dokumente konkrete.

I pyetur nga CNA.al, se çfarë kanë denoncuar konkretisht në këtë takim, ai tha se ?Në këtë mbledhje u fol për raportin e KLSH-së së vitit 2016-2017, ku duket qartë një tablo, ku i madh dhe i vogël ka marrë felat e majme që ofron ky institucion. Për tenderat abuzive, për naftën që është derdhur lumë pa asnjë inventor??

Kapllani shkon edhe më tej në denoncimin e tij, ndërsa theksoi se abuzimet në këtë Universitet kapin shifra në qindra milionë lekë dhe fillojnë që nga abuzimet për kompjuterat, printerat dhe shumë pajisje të tjera, që janë zhdukur pa lënë gjurmë, madje edhe te abuzimi me naftën, dietat dhe pagesa hotelesh.

Një tjetër detaj tronditës, për të cilin studentët kryqëzuan drejtuesit e këtij institucioni, është edhe shitja e provimeve.

?Kancelaritë në qytet vetëm për sezonin e provimeve shisnin aq zarfe sa nuk shisnin gjithë vitin. Ata që kanë shkelur dhe kanë vjedhur , jo vetëm që sjane dënuar por janë ngritur dhe në detyrë …?-tha ndër të tjera Hansi Kapllani, gjatë një pronocimi për CNA.al

Gjithashtu ai është pyetur nga CNA.al edhe në lidhje me një mbështetje të mundshme politike nga PD-ja ose LSI-ja, ai tha se nuk është aspak e vërtetë kjo. Përkundrazi, ai theksoi se PD-ja bën sikur na mbështet, por nga ana tjetër ka dalë hapur kundër studentëve.

?PD ndryshe bën ndryshe thotë. Kërkon të na mbështesë në protestë, ndërsa kur shkojmë në senat dhe ngremë çështjet dhe problematikat që kanë studentët gjithmonë votojnë kundër nesh. Pra, tjetër thonë dhe tjetër bëjnë me vepra. Nuk kemi asnjë mbështetje politike, nuk e bëjmë për politikën, por për studentët dhe universitetin.?-u shpreh ai./ CNA.al

Më poshtë foto nga takimi: